Zekhariah 7:5 - Tedim Bible

⁵ “Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Tedim Bible Revision 2017

⁵ “Gam sung mi khempeuh le siampite tungah hih bangin gen in: Amaute in a beisa kum sawm sagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Zekhariah 7:5 Referans Kwoze

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

Zekhariah 7:6

A an nek a tui dawnte uh zong amau’ duh man bek hi,” hong ci hi.

Kolose 3:23

Mi’ nasem bang bek hi loin, Topa’ nasem bangin na hihna khempeuh uhah itna lungsim tawh hih ta un.

2 KORIN NIHNA 5:15

a nungta mite in amau deih bang uh a hin’ loh uh a, amaute tang ding si-a a thokik pa’ deihna bang a hin’ nadingun mi khempeuh tangding sihna a thuak ci-in ahi zongin ka ciamteh uh a, Khazih hong itna in zawhthawhna tawh kote hong zol ahi hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Jeremiah 25:11

Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

2 KUMPI NIHNATE 25:23

Tu-in gamsunga om galkap a ukte leh a mite in Babilon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a, Gedaliah kiangah hong pai uh hi; tuate in Nethaniah’ tapa Ishmael, leh Kareah’ tapa Johanan, leh Netofah mi Tanhumeth’ tapa Seraiah, leh Ma-akath mi Ja-azaniah ahi uh hi.

Isaiah 43:23

Meihal biakpiak nadingin kei kiangah na tuu nong paipih kei a, biak piakna tawh kei nong pahtawi kei hi. Piakna tawh nang kong vangik sak nai kei a, paknamtui piak nading kalhna tawh kong gim sak nai kei hi.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Jeremiah 52:12

Babilon kumpipa Nebukhadnezzar a maan’ zawh kum sawm leh kum kua a phak kum, a kha ngana, a ni sawm ni-in Babilon kumpipa a cing galkap mangpa Nebuzaradan, Jerusalem khua sungah hong lut hi.

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Zekhariah 7:4

Tua ahih manin Topa in kei tungah thu hong gen a,

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishama’ tapa Nethaniah, a tapa Ishmael mihing sawm tawh hong kuanin Gedaliah leh Mizpah ah amah tawh a om Judah mi leh Khaldea mite simin that hi.