Zekhariah 7:12 - Tedim Bible

¹² Amaute in a lungsim uh suangtum bangin saksak uh a, Vanglianpen Topa in taanglai kamsangte tung tawnin a Kha Siangtho tawh a gen thuhilhnate ngai nuam lo uh hi. Tua ahih manin Topa heh mahmah hi.

Tedim Bible Revision 2017

¹² Amaute in a lungsim uh suangtum bangin saksak uh a, Vanglian Topa in tanglai kamsangteʼ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.

Zekhariah 7:12 Referans Kwoze

Ezekiel 11:19

Amaute tungah kithu tuakin thumanna lungsim thak ka pia ding hi. Amaute’ suang lungtang paihkhiatsakin mihing lungtang ka guan ding hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Sawltak 28:27

Amaute in a mit uh tawh a muh loh nading, a bil uh tawh a zak loh nading, A lungsim uh tawh thu a theihtel loh nading, amaute kihei-in damna a ngah loh nadingun, amau lungsim uh mawl a, amau bil uh ngong a, a mit uh a si hi,’ a ci hi.

Ezekiel 36:26

Note sungah lungtang thak leh kha thak kong guan ding a, na suang lungtang uh hong lak khiatsakin mihing lungtang kong guan ding hi.

Late 50:17

Bang hang hiam cih leh note in hilhna na mudah uh a, ka thute na nunglam uhah na pai uh hi.

Marka 4:12

amau enin, a en napi-un a mu kei ding uh a; ngai-in, a ngai napi-un a khiatna thei lo ding uh ahih ciangin, amaute thugentehna tawh ka hilh hi.”

Mattiu 13:15

Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

Ezekiel 2:4

Amaute a lungsim uh khauhin paupeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

Luka 8:12

Lampi geiah a kiate in, thu a zak khit uh ciangin thu um uh a, gupna a ngah loh nadingun, dawimangpa hong pai-in, a sinsung uh pan thu a lakkhiatte ahi uh hi.

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Jeremiah 26:19

Judah kumpipa Hezekiah leh Judah mi khempeuhte in amah that zenzen uh ahi hiam? Kumpipa in Topa zahtakin Topa’ pahtak ding a nget ciangin Topa in zong amau’ tunga siatna tun’sak dinga a gensa khelkik zaw hilo ahi hiam? Ahih hangin eite in eite’ tungah siatna lianpi khat i tungsak dekdek hi,” a ci uh hi.

Jeremiah 17:1

“Judah mite’ mawhna sik laikung khat tawh kigelh hi. Suangmanpha muk zum tawh amaute’ lungtang pek tung leh biakna tau kite tungah khuak-in ki-at hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Isaiah 48:4

Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Paikhiatna 7:13

Topa’ gensa bangin Faro’ lungsim khauh lai a, amah in amaute’ thu ngai lo hi.

Isaiah 65:12

namsau tawh a si dingin kong seh ding a, hong that dingte’ mai-ah na ngawng uh na dawh ding uh hi; bang hang hiam cih leh kong sap ciangin note in nong dawng kei uh a, thu ka gen ciangin nong ngai kei uh hi. Keima thu, man’ loh ding mah na utzaw uh a, a sia na gamta uh hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Hong mang loin ka hilhna a theih loh nadingun a lung uh a khauhsak uh hi.

Jeremiah 42:21

Topa na Pasian un note’ kianga gen ding a, hong sawl teng tu ni-in kong gen khin zo hi. Ahih hangin note in khat beek na mang kei uh hi.

Zekhariah 1:2

Topa in Zekhariah kiangah, “Mite tungah hih bangin thu gen in la, ‘Na pu na pate uh tungah Topa ahi keimah ka heh mahmah hi.