Zekhariah 7:10 - Tedim Bible

¹⁰ note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.

Tedim Bible Revision 2017

¹⁰ note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut loh nading uh thu ka hong pia zo hi,” a ci hi.

Zekhariah 7:10 Referans Kwoze

Jeremiah 5:28

thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

1 JOHAN MASA 3:15

A u a nau a mudah mi in mi that mi ahi hi. Mi that mi khat peuhmah sungah nuntak tawntungna a om kei hi ci-in na thei uh hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Late 72:4

Amah in mizawngte’ ading thu khen hen la, mi cimawhte suahtakna pia-in, mi nengniamte sucip ta hen!

Late 21:11

Na langah siat nading vaihawm a, gitlohna a bawl uh leh, tangtung lo ding uh hi.

1 KORIN MASA 6:10

sum gutate, huaiham duhhopte, zukham theite, hangsan kosiate, zawhthawh bawla sum sutte in Pasian’ Gam a luah kei ding uh hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Paunak 6:18

thusia bawl ding ngaihsutna, gamtat siat ding a manlangte,

Paunak 3:29

Nang hong muangin na nai-ah hong teeng na vengpa, gim a ngah nading bangmah vaihawm kei in.

Late 140:2

Amaute in a lung sung uh ah thusia geelgeel uh a, gal vive phuang ngitnget uh hi.

Thu-hilhkikna 27:19

“‘Peemta, pa nei lo, leh meigong numeite ading thutang a heikhiatsak mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Paikhiatna 23:9

“Khual mi na nengniam kei ding uh hi; khual mi’ lungsim na thei uh hi, bang hang hiam cih leh note in Izipt leitangah khual mi na hi ngei uh hi.

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Jeremiah 49:11

A tagah na tate uh ka kiangah hong koih un; ke’n amau ka kem ding hi. Na meigong numeite uh zong, kei hong muangsak un.

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.