Zekhariah 5:8 - Tedim Bible

⁸ Tua ciangin vantungmi in, “Hih numei in gitlohna lim ahi hi,” hong ci hi. Tua ciangin vantungmi in ciangpi sungah tua numei hensuk kik a, a sin tawh tua ciangpi sinkik hi.

Tedim Bible Revision 2017

⁸ Tua ciangin vantungmi in, “Hih numei pen gitlohna lim ahi hi,” hong ci hi. Tua ciangin vantungmi in ciangpi sungah tua numei hen sukkik a, a siin tawh tua ciangpi a siinkik hi.

Zekhariah 5:8 Referans Kwoze

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Mattiu 23:32

Tua ahih ciangin, na pute na pate’ mawhna tehna seeng na dimsak un.

Zekhariah 5:7

Tua ciangpi a sin in haknaw kibawl ahi hi. Tua banga ka et lai takin haknaw kibawl tua ciangpi sin pen kidomto a, tua ciangpi sungah numei khat tu hi.

Micah 6:11

Tawi khaina man lo leh tawisuang man lo a zangte, khahkhong ding ka hi hiam?

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Late 38:4

Bang hang hiam cih leh ka mawhnate in ka lu tuum zo a, keima puak ding a giklua van-gik tawh kibang hi.

Piancilna 15:16

Khang lina ciangin hih lai munah amaute hong paikik ding uh hi; bang hang hiam cih leh Amor mite’ mawhna kicing nai lo hi,” ci hi.

Hosea 12:7

Sumbukte in tawi tehna man lo zang uh a, amaute in mi khem ding nuam a sa uh hi.

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.