Zekhariah 5:6 - Tedim Bible

⁶ Kei zong, “Bang ahi hiam?” ci-in ka dong hi. Amah in hong dawng a, “Tua in ciangpi hi a, gamsung khempeuh’ mawhna lim ahi hi,” hong ci hi.

Tedim Bible Revision 2017

⁶ Kei zong, “Bang ahi hiam?” ci-in ka dong hi. Amah in hong dawng a, “Tua pen ciangpi hi a, gam sung khempeuhʼ mawhna lim ahi hi,” hong ci hi.

Zekhariah 5:6 Referans Kwoze

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.

Siampi Laibu 19:36

Note in tawi khaina maan, tawisuang maan, seu maan, bung maan, na nei ding uh hi: keimah in Izipt gam panin a hong paikhiatpih Topa na Pasian uh ka hi hi.

Zekhariah 5:7

Tua ciangpi a sin in haknaw kibawl ahi hi. Tua banga ka et lai takin haknaw kibawl tua ciangpi sin pen kidomto a, tua ciangpi sungah numei khat tu hi.

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Amos 8:6

Khedap bu khat man dingin, mizawngte sila-in i zuak nuam a, i mangbuh hoih lote, sum tampi i khawng nuam hi,” na ci uh hi.

Micah 6:10

Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?

Zefaniah 1:9

Midangte’ sangkil kanin zawhthawh bawl a, khemna leh thahna tawh a ngah uh vante tawh, a Topa uh inn a dimsakte khempeuh, tua ni mahin daan ka pia ding hi,” ci hi.