Zekhariah 5:4 - Tedim Bible

⁴ Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Tedim Bible Revision 2017

⁴ Vanglian Topa in hih samsiatna a khah khiatna ding thu gen a, guta mite khempeuh le a man loin ka min tawh thuciam mite khempeuhʼ inn sungah lut ding hi. Tua bang miteʼ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Zekhariah 5:4 Referans Kwoze

Paunak 3:33

Topa in migilote’ inn sung samsia a, thuman mite’ inn sung thupha pia hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

JOB (Job) 18:15

Ama sihna hangin a inn zatui tawh a kisian’suah khit ciangin a ut peuhpeuh tua inn-ah teeng thei pah ding hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi; note in tua nate mudah mahmahin na kih ding uh hi; bang hang hiam cih leh tua nate in a kisamsia na ahi hi.

JOB (Job) 20:26

Ama kholsa khempeuh kisusia a, mihing’ tawh loh meikuang in amah leh a innkuan khempeuh kangtum hi.

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Hosea 4:3

Tua ahih ciangin leitang keugaw-in a tunga teeng khempeuh tawh si ding a, leitunga om gamsa khempeuh leh huih lak a, leeng vasa khempeuh tawh si mang ding uh a, tuipi sunga om ngasate nangawn si mang ding hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Zekhariah 5:3

Tua ciangin amah kei kiangah, “leitung gam khempeuhah a pai ding hamsiatnate, hih lai tungah kigelh hi. Guta khempeuh, gam sung panin kisiak khia mang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in a lang khatah kigelh hi.

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.

Thu-hilhkikna 28:16

Khuapi sungah hong kisamsia ding a, gam lakah zong hong kisamsia ding hi.

Joshua 9:20

Amaute tungah i kiciam thuciamna hangin eite tungah hehna hong tung kha ding ahih manin hih bangin gamta-in amaute i hing sak ding hi,” a ci uh hi.

JOB (Job) 8:15

A inn tungah kingam a, a inn hoi hi, a inn lencip a, ahi zongin kip zo lo hi.

JOB (Job) 8:22

Nang hong mudahte in maizumna ngah ding uh a, migilote’ puanbuk maimang ding hi,” a ci hi.