Zekhariah 5:3 - Tedim Bible

³ Tua ciangin amah kei kiangah, “leitung gam khempeuhah a pai ding hamsiatnate, hih lai tungah kigelh hi. Guta khempeuh, gam sung panin kisiak khia mang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in a lang khatah kigelh hi.

Tedim Bible Revision 2017

³ Tua ciangin amah in kei kiangah, “Leitung gam khempeuh ah a tung ding hamsiatnate, hih lai tungah kigelh hi. Guta khempeuh, gam sung panin kisiak mang ding hi, ci-in laizial dal lang khat ah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in alang khat ah kigelh hi.

Zekhariah 5:3 Referans Kwoze

Paikhiatna 20:15

“Na na gu kei ding hi.

Isaiah 48:1

Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

Malakhi 4:6

Amah in pate leh tapate, tapate leh pate lemtuahin kilemsak kik ding hi. Tua bang hi kei leh keimah hong pai-in na gam khempeuh uh ka susiagawp ding hi,”ci hi, a ci hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Jeremiah 26:6

hih biakinnpi Shiloh khua ka bawl bangin ka bawl ding a, hih khuapi leitung gam khempeuhte’ kihaamsiatna-in ka zangsak ding hi,’ na ci ding hi,” a ci hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Siampi Laibu 19:12

Note in a man lopi-in keima min tawh na kiciam kei ding uh a, tua bangin na Pasian uh’ min na daisak kei ding uh hi: keimah in Topa ka hi hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Efesa 4:28

Nidang lai-a guta mi in gu nawn loin, sapna neite a hop zawh, a piak zawh nadingin ama khut tawh nasepna a hoih hahkatin sem ta hen.

Luka 21:35

Tua mah bangin leitungah a teeng mi khempeuh tungah hong tung ding hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zekhariah 8:17

Khat leh khat kisiatsak nading vaihawm kei un la, a man lopi-in teci pangin kiciam kei un. Zuauna, thuman lohna, leh kibawlsiatnate ka deih kei hi,” hong ci hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Daniel 9:11

Israelte khempeuh in na gensa thute leh na thukhamte khempeuh a palsat khin zo uh hi. Na tungah khialhna ka hong bawl manun, na nasem Moses thukham sunga kigelh bangin kote tungah samsiatna leh thukhenna a hong tung hi.

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Paunak 29:24

Guktakna sunga kipawl mipa, ama adingin thusia zongpa ahi hi. A guktakna pulak leh daan kitat ding a, genkhia kei leh lah kisamsia veve ding hi.

Paunak 3:33

Topa in migilote’ inn sung samsia a, thuman mite’ inn sung thupha pia hi.

Siampi Laibu 19:11

“Note na guta kei ding uh hi; khat leh khat na kikhem kei ding uh a, khat leh khat tungah thuzuau na kigen kei ding uh hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Joshua 9:20

Amaute tungah i kiciam thuciamna hangin eite tungah hehna hong tung kha ding ahih manin hih bangin gamta-in amaute i hing sak ding hi,” a ci uh hi.

Ezekiel 2:9

Tua ciangin kei lamah khut khat hong kizan a, tua khut in laizial tawn khat a tawi ka mu hi.