Zekhariah 4:7 - Tedim Bible

⁷ Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Tedim Bible Revision 2017

⁷ Thuhaksa pente nangawn in na ma hong khaktan zo lo ding hi. Biakinn na lamkik dinga, a khupna suang na cian laitakin, mite in ‘Hoih mahmah hi,’ ci-in awng ngeingai ding uh hi, hong ci hi,” a ci hi.

Zekhariah 4:7 Referans Kwoze

Jeremiah 51:25

“En in, mualpi banga lian a, leitung khempeuh a susia zo Babilon aw, nang kong langpan’ hi, Topa in kong ci hi. Keimah in nang’ lang khatah ka khut ka zan ding a, mualdawn panin nang hong khuk khia-in, kong kangtumsak ding hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong zo ding hi. Tua ciangin ka mite in, amaute kiangah nang kong sawlna thu thei ding uh hi.

Micah 4:1

Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.

Late 118:22

Inn lamte in a nilkhiat suang pen innkiu suang bulpi suak khin ta hi.

Late 114:4

Mualliante tuutal bangin diang uh a, mualneute tuuno bangin a diang uh hi.

1 PETER MASA 2:7

Tua ahih ciangin a um note adingin tua suangpi in a manpha mahmah hi. A um lote ading ahih leh: “Inn lamte’n a nilkhiat suang in, Anung ciangin inn kiu suang a piang hi,” cih ahi zongin,

Sawltak 4:11

Tua Topa in innlam note in na paih uh, a nung cianga kiukawi bul a suakkik suang ahi hi.

Isaiah 41:15

En un, note pen, a thak, a hiam, ha a nei buhcilna-in kong bawl ding hi; note in mual liante cilin na suvui ding uh a, mual neute pen ansi bangin na gawi zan ding uh hi;

Late 114:6

Mualliante aw, tuutal bangin, mualneute aw, tuuno bangin na dian’ nading uh bang in hong nasak ahi hiam?

ROM (Romans) 11:6

Hehpihna hangah ahih leh, gamtatna hang ahi kei hi. Tua bang ahih kei leh, hehpihna in hehpihna ahi kei hi.

Micah 1:4

Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi: Tua suang tungah, ‘Hih a um mi in lungkhamna tuak lo ding hi,” ci-in kigelh hi.

Mangmuhna 16:20

Tuikulh gam khempeuh a mangthang hi. Mualte zong kimu lo hi.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

Luka 20:17

Zeisu in amaute a et lai takin, “Tua ahih leh, ‘Inn lamte in a nilkhiat suang in anung ciangin innkiu suang a piang hi,’ ci-in a kigelh thu, bang cihnopna ahi hiam?

Luka 3:5

Mualkuam thuk khempeuh kivuk dim ding a, Mual lian leh mual neu khempeuh kito niam ding a, Lam kawi khempeuh kitangsak ding hi, Lei hamte a kinelsak ding hi;’

Mattiu 21:42

Tua ciangin Zeisu in: “‘Inn lamte’n a nilkhiat suang in, A nung ciangin innkiu suang a piang hi. Tua thu Pasian in bawl a, Eite mai-ah a lamdang hi,’ a cihna Lai Siangtho sungah note in khatvei beek sim ngeilo na hi uh hiam?

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Marka 12:10

Inn lamte’n a nilkhiat suang in, A nung ciangin innkiu suang a piang hi.

Mattiu 21:21

Zeisu in, “Ke’n aman takpi kong cih-inah, note in um khial loin upna taktak na neih uh leh, hih theikung tungah ka hih bangin na bawl thei uh tham loin, hih mual kiangah, ‘Na omna pan na kinkhia in la, tuipi sungah na kipaai in,’ ci le-uh teh na cih uh mah bangin a piang ding hi.

Habakkuk 3:6

Amah a khawl ciangin leitung liing a, a et ciangin minam khempeuh liing uh hi. Taangtawng lai-a a totsa, taanglai mualliante kitamkham a, a om tawntung mualneute kimetcip hi.

Ezra 3:10

Innlamte in Topa’ biakinn a bul a phuh uh ciangin, Israel kumpipa David in a geel kholhsa bangin Topa a phat dingin siampite in a puan uh silhin peengkul tawh, Asaf tapa Levi mite in daltuah tawh a panmun ding uhah hong pang uh hi;

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Zekhariah 4:8

Topa in kei tungah thu hong gen hi.