Zekhariah 4:6 - Tedim Bible

⁶ Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Tedim Bible Revision 2017

⁶ Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tun zo ding hi.

Zekhariah 4:6 Referans Kwoze

Late 33:16

A galkap tampi in kumpi khat suakta sak zo lo a, galkap hangpa ama hatna tawh kihonkhia zo lo hi.

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

Isaiah 32:15

Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.

Gamlak-vakna 27:16

-

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

Piancilna 41:16

Josef in Faro dawngin, “Tua in kei' sungah om lo hi; Pasian in Faro' tungah a hoih lamin dawn’na hong pia ding hi,” ci hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in, vun ki-at lo hih khuacingte kiangah pai ni; Topa in eite adingin hong hih kha ding hi; bang hang hiam cih leh hong hotkhiat nadingin a tam a tawm in Topa nawngkai sak lo ding hi,” a ci hi.

1 SAMUEL MASA 17:47

leh Topa in namsau leh teipi tawh a hotkhiat lohna thu hih a kikhawm khempeuh in a theih nading ahi hi; bang hang hiam cih leh galdona in Topa aa hi a, amah in kote khut sungah note hong pia ding hi,” a ci hi.

1 KUMPI MASATE 19:12

ziinling khit ciangin meikuang om a, ahih hangin meikuang sungah Topa om lo hi; meikuang khit ciangin awneem neu khat om hi.

Ezra 3:10

Innlamte in Topa’ biakinn a bul a phuh uh ciangin, Israel kumpipa David in a geel kholhsa bangin Topa a phat dingin siampite in a puan uh silhin peengkul tawh, Asaf tapa Levi mite in daltuah tawh a panmun ding uhah hong pang uh hi;

Thuhilh-sia 9:11

Hih leitungah ka phawk thudang khat in: a tai hat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Daniel 2:34

Tua banga na et lai takin, kuama khuk lohin mual tung pan suangtumpi khat hong tuk a, sik leh tungman kigawm milim khete deng tanin a kithehthang hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

Haggai 2:21

“Vanpi leh leipi a lokgawp ding ka hihna thu, Judah gam ukpa Zerubbabel kiangah gen in.

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Isaiah 34:16

Topa’ laizial sung panin zong un la sim un: Hih ganhingte khempeuh khat beek zong mangthang lo ding a, lawmsam khat zong om lo ding hi. Bang hang hiam cih leh Topa’ kam in thu pia khin zo a, amahmah in amaute kaikhawm ding hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.