Zekhariah 4:2 - Tedim Bible

² Amah in, “Bang na mu hiam?” ci-in hong dong hi. Kei zong, “Kham tawh a kibawl meivakkhuam khat ka mu hi. Tua meivakkhuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivakkhau nei ciat uh hi.

Tedim Bible Revision 2017

² Amah in, “Bang na mu hiam?” ci-in hong dong hi. Kei zong, “Kham tawh a kibawl meivak khuam khat ka mu hi. Tua meivak khuam in meivak sagih nei a, meivak tui koih nading hai khat zong a khuam dawnah om hi. Tua meivak sagihte in meivak khau nei ciat uh hi.

Zekhariah 4:2 Referans Kwoze

Mangmuhna 4:5

Tokhom sung pan khuaphialep tawh, a aw gin’na tawh, vangin’na tawh a pusuak uh hi. Tokhom mai-ah Pasian’ Kha Siangtho sagih ahi, meivak sagih kivakin a om uh hi.

Mangmuhna 1:12

Kei kiangah hong gen aw a nei mi mu dingin kihei-in ka et ciangin, kham meivak khuam sagih ahi zongin,

Zekhariah 5:2

Vantungmi in, “Bang mu na hi hiam?” ci-in hong dong a, kei zong, “Laizial a leeng khat ka mu a, a dung pi sawmthum pha-in, a vai pi sawm leh pi nga pha hi,” ci-in ka dawng hi.

Jeremiah 52:19

Biak piakna-a kizang keu neute, meiam luahna kuang daite, kuangte, belte, khuaimeivak vakna khuamte, sikkeute leh tui buah nadinga kizang keute zong a la uh hi, Kham tawh a kibawl nate kham dingin ahi zongin, ngun tawh a kibawl nate ngun dingin ahi zongin kumpi cing galkap mangpa in a lakhia hi.

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

2 KHANG TANGTHU NIHNATE 13:11

Amaute in Topa’ tungah zing leh nitak simin meihal biaknate leh a namtui nate ahi paknamtui pia a, kham citak sabuai tungah Ompihna Anlum koihin, nitak simin a meivakte a kuan’ nadingin kham meivakkhuamte don uh hi; bang hang hiam cih leh kote in Topa ka Pasian uh hong sawlnate ka zui uh a, ahih hangin note in amah na nusia uh hi.

2 KHANG TANGTHU NIHNATE 4:7

Tua ciangin amah in a kigelhsa bangin kham meivakkhuam sawm bawl a, biakinn sung leitaw lamah nga, leilu lamah nga koih hi.

1 KHANG TANGTHU MASATE 28:15

nasepna ah meivak khuam a kizat ciatna bangin kham meivak khuamte leh a meivakte a gihna, a meivak khuam leh a meivakte a gihna zah ciat, meivakkhuam khat leh a meivakte ngun a gihna,

Thuhilh-sia 12:6

I ngun meivak khaina khau kitatin, i kham meivak kia-in kitam ding a, i tuikhaina khau kitatin, i tuikhaina beel kitam ding hi.

Jeremiah 24:3

Topa in hong hopih a, “Jeremiah aw, bang na mu hiam?” ci-in hong dong hi. Kei zong, “Theigah ka mu hi. A limcite limci mahmah a, a limci lote limci lo lua ahih manin nek theih ding bang hi lo hi,” ka ci hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.