Zekhariah 3:5 - Tedim Bible

⁵ Tua ciangin a sawltak vanmite thu pia a, Joshua’ lu tungah dial siangtho a khipsak ding uh sawl hi. Topa’ vantungmi tua munah a din’ sung mahin, amaute in zong Joshua, dial siangtho khimsakin, tua khit ciangin puan siangtho zong silhsak uh hi.

Tedim Bible Revision 2017

⁵ Tua ciangin a sawltak van mite thu pia a, Joshuaʼ lu tungah dial siangtho a khipsak ding uh a sawl hi. Topaʼ vantungmi tua munah a din sung mahin, amaute in zong Joshua, dial siangtho khimsakin, tua khit ciangin puan siangtho zong a silhsak uh hi.

Zekhariah 3:5 Referans Kwoze

Zekhariah 6:11

Amaute’ hong piak ngun leh khamte zangin kumpi lukhu khat bawl in la, Johozadak’ tapa, siampi lian a sem Joshua khusak in.

Paikhiatna 29:6

ama' lu tungah dialpi khimsakin, dialpi tungah kumpi lukhu siangtho na khusak ding hi.

Mangmuhna 4:10

tokhom tungah tu-in a om mi mai-ah upa sawmnih leh lite in bokin, a tawntungin a nungta mi bia-in, tokhom mai-ah amaute kumpilukhu a khiatsuk khit uh ciangin:

Mangmuhna 4:4

Tokhom kimkotah tokhom adang sawmnih leh li, leh tua tokhomte tungah puanpaak silh, kham kumpilukhu a khu upa sawmnih leh li tu-in a om uh hi.

JOB (Job) 29:14

Thumanna puan bangin ka silh a, thuman in hong tuam hi. Thutang pen puanpi bangin ka silh a, thutang in hong tuam hi.

Isaiah 3:23

puanza neu vang siseihte, saihadial puan sungsilhte, dialkhipte leh kikhuhna puante lakhia ding hi.

Ezekiel 42:14

Siampite in Topa tungah biakna pia-in biakinn sungah a lut khit uh ciangin a pualamah a pusuah nop uh leh, Topa tungah biakna a piak lai takun a silh uh puante suahin hih inndeite sungah koih ding uh hi. Tua lai panin puan dang silhin mihonte omna-ah pai thei pan uh hi,” hong ci hi.

Zekhariah 3:6

Tua ciangin Topa’ vantungmi in Joshua kiangah lim takin thu gen a,

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.