Zekhariah 3:4 - Tedim Bible

⁴ Vantungmi in ama sawltak van mi dangte kiangah, “Hih mipa’ silh a puan ninte suah khiatsak un,” ci-in thu pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak ka hong pia ding hi,” ci hi.

Tedim Bible Revision 2017

⁴ Vantungmi in ama sawltak van midangte kiangah, “Hih mipaʼ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paih khiatsak khin a, tu-in na silh dingin puan thak kong pia ding hi,” a ci hi.

Zekhariah 3:4 Referans Kwoze

Luka 15:22

Ahih hangin a pa in, ‘Puan hoih bel hong la meengmeeng un la, silhsak un. Ama khut ah zungbuhte hong butsak un.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Zekhariah 3:7

Vanglianpen Topa in hih bangin ci hi: “Ka thukhamte zui a, kong sawl thute na sep leh, ka biakinn sung leh biakinn huang sung teng na uk ding a, hih ka kianga om vantungmite’ thu ka ngaih bangin nangma thu zong ka ngai ding hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Hebru 8:12

Bang hang hiam na cih uh leh, keimah in amaute mawhnate ka thuak ding hi. Amau mawhnate ka ciamteh kei ding hi, ci-in Topa in thu a pia hi,” a ci hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Zekhariah 3:9

Joshua’ omna mai-ah, mittang sagih a nei suang khat ka koih hi; tua suang tungah lai ka gelh ding a, ni khat sungin hih gam mite’ mawhna ka paihkhiatsak ding hi.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

ROM (Romans) 3:22

Kilamdan’na neukha beek a om kei hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Zekhariah 3:1

Topa in mang hong musak a, Topa’ vantungmi mai-ah siampi lian Joshua ding-in, a mawhna a zong dingin a kiangah Satan zong a om ka mu hi.

Isaiah 52:1

Zion aw, khanglo in, khanglo in la, na tha khauhsak in; khuapi siangtho Jerusalem aw, na puan hoihte silh in; bang hang hiam cih leh vun ki-at lo mite leh a nin mite nang sungah hong pai nawn lo ding hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

Mangmuhna 5:11

Tua lai takin tokhom-a kipan ganhingte leh upate kimkotah vantungmi tampi ka mu a, amau aw zong ka za hi. Amau a kisim ciangin tultul, thenthen ahi uh hi.

Mattiu 22:11

Kumpipa in a hawhte en dingin a lut ciangin, molakna puan silh lo-a om mi khat a mu hi.

Ezekiel 42:14

Siampite in Topa tungah biakna pia-in biakinn sungah a lut khit uh ciangin a pualamah a pusuah nop uh leh, Topa tungah biakna a piak lai takun a silh uh puante suahin hih inndeite sungah koih ding uh hi. Tua lai panin puan dang silhin mihonte omna-ah pai thei pan uh hi,” hong ci hi.

Micah 7:19

Kote nong khasiat kik ding a, ka mawhnate uh hong sawpkhiatsakin, tuipi taw-ah nong paihsak ding hi.

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Jeremiah 52:33

Tua ahih manin Jehoiakhin in a thong puante a suahkhia hi. A nuntak hun sung teng khempeuh kumpipa’ sabuai-ah ni simin an a ne hi.