Zekhariah 3:3 - Tedim Bible

³ Joshua ahih leh vantungmi’ mai-ah ding a, puan a nin mahmah silh hi.

Tedim Bible Revision 2017

³ Joshua ahihleh vantungmi mai ah dinga, puan a nin mahmah a silh hi.

Zekhariah 3:3 Referans Kwoze

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Mangmuhna 19:8

A siangtho, a ngo mahmah saihadial puan silhna thu a ngah hi. Bang hang hiam i cih leh, tua saihadial puan in misiangthote’ dik gamtatna ahi hi,” ci-in a gen hi.

Ezra 9:15

Israel Pasian, Topa aw, nang na thutang a, ahi zongin tu ni-a a om lai ko teng nong suakta sak veve hi. Na muhna ah kote a mawhpi mah hita le ung hong hehpih in; bang hang hiam cih leh mawhna hangin nangma mai-ah kuamah om thei lo hi,” ci-in thu ka ngen hi.

Daniel 9:18

Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Jeim 2:2

Kham khutbuh bulh a, puanhoih a silh mi leh a kihhuai puansia a silh mizawngte, nih in na kikhopna inn sung uhah hong tumkhawm uh ciangin, puanhoih a silhpa enin, “Omna pha hih lai-ah na tu in,” ama kiangah na ci uh a, mizawngpa kiangah, “Hua lai-ah na ding in, a hih kei leh, ka khe ngakna kiangah tu in,” na cih uh leh, lang khatah maitang zahtak tuamna lungsim nei-in, ahoih lo hanciamna tawh thukhen mi suak hilo na hi uh hiam?

Juda 1:23

Mi kimkhat mei sung pan kaikhia-in na gum un. Mi kimkhat zong pumpi deihgawhna hangin nin tawh a kisawh a puante nangawn uh muhthadah huaisa-in, lauthawng kawmin na hehpih un.

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. En in, kote tungah nang na heh a, ahih zongin kote ka khial lai veve uh hi; tanglai pek-a kipanin ka mawh ngitnget uh hi. Tua bangpi-in kote hong kihon ding ahi hiam?