Zekhariah 3:2 - Tedim Bible

² Topa’ vantungmi in Satan kiangah, “Satan aw, Topa in nang hong taai hi. Jerusalem a it Topa in nang hong taai hi. Hih Joshua pen, meikhuk sung panin a kiteenkhia singkhuah tawh kibang hi,” a ci hi.

Tedim Bible Revision 2017

² Topaʼ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteen khia singkhuah tawh kibang hi,” a ci hi.

Zekhariah 3:2 Referans Kwoze

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Juda 1:23

Mi kimkhat mei sung pan kaikhia-in na gum un. Mi kimkhat zong pumpi deihgawhna hangin nin tawh a kisawh a puante nangawn uh muhthadah huaisa-in, lauthawng kawmin na hehpih un.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.

ROM (Romans) 8:33

Pasian’ teelsate kua in a mawhsak ding hiam? A diksakpa in Pasian ahi hi.

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.

Zekhariah 2:12

Judah mite in gam siangtho sungah Topa’ neihtuam mite hong suakkik ding a, Jerusalem khua pen a it penpen khuapi hong hi kik ding hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

Luka 4:35

Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Late 109:31

Bang hang hiam cih leh sihna daan a piapa’ khutsung panin a hon dingin mi cimawhpa’ taklam-ah amah hong ding hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Marka 1:25

Zeisu in, “Pau kei in la, ama sung pan paikhia in,” ci-in a taai hi.

Luka 9:42

A pai lai takin dawi in naupang lei ah puksakin a kongkawsak hi. Zeisu in kihhuai dawi taai a, naupang a damsak khit ciangin a pa kiangah a pia hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Isaiah 7:4

ama tungah, ‘Kidawm in la, om khinkhian in; lau kei in, Siria gam kumpipa Rezin leh Remaliah’ tapa’ hehna pen, sing tumbang nih a khute tawh kibang lel ahih manin kilunggim sak kei in.