Zekhariah 3:1 - Tedim Bible

¹ Topa in mang hong musak a, Topa’ vantungmi mai-ah siampi lian Joshua ding-in, a mawhna a zong dingin a kiangah Satan zong a om ka mu hi.

Tedim Bible Revision 2017

¹ Topa in maang hong musak a, Topaʼ vantungmi mai ah siampi lianpen pa Joshuaʼ mawhna a zong dingin a kiangah Satan zong a om ka mu hi.

Zekhariah 3:1 Referans Kwoze

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Luka 22:31

Zeisu in, “Simon, Simon aw, Satan in buhhum bangin nang hong haih nuam hi.

Late 109:6

Ama langah migilo khat pangsak in la, thusitna thuak dingin mawhna zong mipa khat paipihsak in.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

1 KHANG TANGTHU MASATE 21:1

Satan in Israel langpan’ a, Israel mi phazah a sim dingin David hanthawn hi.

Zekhariah 6:11

Amaute’ hong piak ngun leh khamte zangin kumpi lukhu khat bawl in la, Johozadak’ tapa, siampi lian a sem Joshua khusak in.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Haggai 2:4

Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Haggai 1:12

Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

2 KHANG TANGTHU NIHNATE 29:11

Ka tapate aw, Topa in ama na sem ding, leh ama nasemte hi-in ama tungah paknamtui a hal dingin note hong teel khin ahih manin tu-in mawk om kei un,” a ci hi.

Piancilna 48:16

siatna khempeuh panin kei hong tankhia vantungmi in hih tangvalte thupha pia in; amaute' sungah keima' min leh ka pa Abraham leh Isaak’ min kizomsak in; leitung laizang ah amaute mi honpi khatin khangsak in,” ci hi.

Zekhariah 2:3

Tua ciangin vantung mipa hong paikhia a, vantungmi dang khat in amah na dawntuah hi.

Zekhariah 1:19

Bang a cih nopna ahi hiam, ci-in vantungmi kiangah ka dong hi. Amah in hong dawng a, “Judah mite, Israel mite, leh Jerusalem mite a theihthang gawp leitung vangliatnate saki a cih nopna hi,” hong ci hi.

Zekhariah 1:13

Tua ciangin Topa in dikna leh hehnepna kam tawh vantungmi dawng a,

Zekhariah 1:9

Tua ciangin keimah in, “Sia aw, hih sakolte bang a cih nopna ahi hiam?” ci-in ka dong hi. Vantungmi in hong dawng a, “Bang a cih nopna hiam cih kong lak ding hi.

Ezekiel 44:15

Tua ciangin Topa Pasian in kei kiangah, “Zadok suan leh khak Levi mi siampite ahih leh, Israel mi adangte in kei hong nusiat lai takun, amaute in citakin biakinn sungah keima na hong sem uh ahih manin, tu-in amaute in keima na hong semin, keimah biakna-in sathaute leh sasite keima kiangah hong pia ding uh hi.

Ezekiel 44:11

Amaute in biakinn kong cin’ leh biakinn sung nasepte sem thei ding uh hi. Meihal biakna-a kipia ganhingte leh mite in biakna-in a piak ganhingte go thei ding uh a, mite’ na a sepsak dingin tavuan la ding uh hi.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Late 106:23

Tua ahih ciangin amaute a suksiat nading a hehna panin a heikhia dingin ama mai-ah a teelpa Moses ding hi kei leh—amaute ka susia ding hi, amah in ci hi.

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

1 SAMUEL MASA 6:20

Tua ciangin Bethshemesh mite in, “Hih a siangtho Pasian, Topa mai-ah kua om zo ding ahi hiam? Eite kiang panin kua kiangah amah paisak ding i hi hiam?” a ci uh hi.

Thu-hilhkikna 18:15

“Topa na Pasian un note lak ahi na sanggamte lak panun note adingin kei tawh a kibang kamsang khat hong khangsak ding hi—note in ama thu na ngai ding uh hi—

Thu-hilhkikna 10:8

Tua hun lai takin Topa in, tu ni dongin ama na a sem ding leh ama min tawh thupha a pia dingin Topa mai-ah ding-in Topa’ thuciamna singkuang a pua dingin Levi minam tuam koih hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Ezra 10:18

Siampite beh lak panin Jozadak’ tapa Jeshua leh a sanggamte beh sung panin Ma-aseiah, Eliezer, Jarib, leh Gadaliahte in gamdang numei a ten’pihna kimu hi.

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cih nopna ahi hi,” hong ci hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in: