Zekhariah 2:8 - Tedim Bible

⁸ Hih bangin mang ka muh khit ciangin, ama mite’ na a sut gawp minam dangte kiangah thu a gen dingin Vanglianpen Topa in kei hong sawl a, “Topa’ mite a su mi peuhpeuh in a mit nauta banga a na manpha pen khat a su ahi hi.

Tedim Bible Revision 2017

⁸ Hih bangin maang ka muh khit ciangin, ama miteʼ na a sut gawp minam dangte kiangah thu a gen dingin Vanglian Topa in kei hong sawl a, Topaʼ mite a su mi peuhpeuh in a mitnauta bangin a manpha pen khat a su ahi hi.

Zekhariah 2:8 Referans Kwoze

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Thu-hilhkikna 32:10

“Amah in sehnel gam, huihpi nun’na gamlakah amaute mu hi; amah in kawi-in kem a, ama mit nauta bangin amaute kem hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

2 THESALONIKA NIHNA 1:6

Bang hang hiam na cih uh leh, Topa Zeisu in ama vangliatna tawh kipawl vantungmite tawh, vantung pan meikuangin hong kilang a, Pasian a thei lo mite, i Topa Zeisu Khazih’ Lungdamna Thu a ngai lo mite daan a piak ciangin, note hong gimsak ngei mite tungah gimna ahi zongin, gimna a thuak ngei note tungah kote tawh nopsakna ahi zongin, Pasian in a thukkik nading thu in thuman ahi hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 17:18

Nang in leitungah kei nong sawl mah bangin, amaute leitungah ka sawl hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Zefaniah 2:8

Vanglianpen Topa in hih bangin thu gen a, “Moab mite in ka mite a simmawhna, Ammon mite in ka mite a zahkona, leh ka mite’ gam sutgawp dingin, a kisaktheih paunate uh ka za khin hi.

Habakkuk 2:8

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.

Micah 4:11

Note a sim dingin minam tampi hong kikhawm uh hi. Amaute in, “Jerusalem kisusia ding a, a mit in hih khuapi a siasa-in mu ding hi,” ci uh hi.

Amos 1:13

Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Amos 1:9

Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Ezekiel 35:5

“Nang in Israel mite’ gal na hi tawntung a, a mawhna hangun a daan tuah ni a nunung pen, a lungkham thuak hun lai takun Israel mite na siasak mang hi.

Ezekiel 26:2

“Ezekiel aw, Tai-ar khuapi mite awngin hih bangin kiko uh hi. Amaute in, ‘Sum bawlna lam-a i kidempih Jerusalem khuapi zancip gawp hi. A kulhpite tu-in kihong keek a, amaute’ guallelhna tu-in eima hauhna suak ding hi,’ ci uh hi.

Ezekiel 25:15

Topa Pasian in kei kiangah thu hong gen a, “Filistia mite in gal-in a neih tawntung mite uh tungah phu nasia lakin hehna tawh susia gawp uh hi.

Ezekiel 25:12

Topa Pasian in kei kiangah thu hong gen a, “Edom mite in Judah mite tungah a phu lakna uh nasia lua ahih manin tua a phu lakna hangun Edom mite tungah mawhna om hi.

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

Piancilna 20:6

Tua ciangin Pasian in mang sungah ama' kiangah, “Hi hi, lungsim kisuan’na om loin hih bangin na gamtatna thu ka thei a, kei' tungah na khialh loh nadinga hong kempa in keimah ka hi hi; tua ahih ciangin nangmah kong lawngsak kei hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Zekhariah 2:9

Topa mahmah in note hong su ding a, ni danga note’ na hong sepsak mite in tu-in note’ nate hong lehsuh kik ding uh hi,” hong cisak hi. Hih bangin thu hong pian’ ciangin Vanglianpen Topa in kei hong sawl lam tak na thei ding uh hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Sawltak 9:4

Amah in lei tungah puksuk a, “Saul aw, Saul aw, bang dingin kei hong bawlsia na hi hiam?” a cihna aw a za hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Paunak 7:2

Kong gen bangin gamta in; na nungta ding hi. Kong thuhilhte, na mitnauta bangin hoih takin kem in.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 38:14

Tua ciangin Topa Pasian in kei kiangah, “Ezekiel aw, Gog kiangah hih bangin thu gen in hong ci hi: Keima mi Israelte lungmuang takin a om hun lai takin nangmah na kihanthawn tawm ding a,

Isaiah 49:19

“A kisia, a kinusia nangma munte leh a kisusia nangma gamte in, nangma tunga a teeng mite’ adingin kawcik lua taktak ding a, nang hong valhtum mite pen gamlapi-ah om ding uh hi.

Ezekiel 36:11

A mihing a ganhing in kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Ni dangin na om ngei bangun kong omsak kik ding a, a nidang sangin a cithei zaw-in kong bawl ding hi. Tua ciangin Topa ka hihna thu na thei ding uh hi.

Ezekiel 38:11

A khuapite in gal nan’ nading kulh nei loin, lungmuang takin a om hithiat, a kihu tawm zo lo ding gam khat, simgawp ding na ngaihsun ding hi.

Zekhariah 8:5

Kongzing khempeuh ah numei naupang kimawlin phezaizai ding uh hi.