Zekhariah 2:6 - Tedim Bible

⁶ Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”

Tedim Bible Revision 2017

⁶ Topa in ama mite kiangah, “Mun khempeuh ah note kong thehthang khin hi. Ahi zongin tu-in Babylon panin tai khia-in Jerusalem ah ciahkik un.

Zekhariah 2:6 Referans Kwoze

Ezekiel 17:21

A galkap muanhuai pente, gal sungah si ding a, a suakta sunte zong mun citengah kithehthang ding hi. Tua ciangin Topa ahi keimah in thu a gen ka hih lam na phawk ding hi,” hong ci hi.

Isaiah 48:20

Babilon panin paikhia-in, Khaldea gam panin tai in la, lungdamna tawh hih thu gen in la, tangko-in leimong dongin puak in; “Topa in ama nasem Jakob tankhia khin zo!” ci-in gen in.

Mangmuhna 18:4

Tua lai takin vantung pan aw khat ka zak in, “Ka mipawlte aw, tua khuapi gilohnate tawh na kipawl loh nading uh ahi zongin, ama pulnatnate na thuak loh nading uh ahi zongin, pusuakin hong paikhia un.

Ezekiel 11:16

Tua ahih ciangin na salpihte kiangah hih bangin keima thugente va gen sawn in: A gamlapi gamah a teeng dingin puak khia-in, gam dangah a thehthangpa in keimah ka hi hi. Ahi zongin amaute’ omna gam dangah tawl khat sung bek kei a hong bia dingin ka om sak ahi hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Piancilna 19:17

Amaute in a paikhiatpih khit uh ciangin, “Na nuntak nadingin tai un; nunghei kei un la, kuam sungah zong khawl kei un; note hong kangtum kha ding ahih manin mual tungah tai to un,” ci uh hi.

Zekhariah 2:7

Babilon-ah a om ka mite aw, Zion-ah tai un,” ci hi.

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Jeremiah 51:50

“Namsau in a hong thah khak loh a nungta lai note aw, pai un, dingding kei un! Gamlapi pek panin Topa hong phawk un la, Jerusalem khua zong mangngilh kei un.

Jeremiah 51:45

“Ka mite aw, amau’ lak pan hong paikhia un! A lauhuai Topa’ hehna panin mi khempeuh kisuahtak ciat un!

Jeremiah 51:6

“Babilon khuapi sung panin taikhia un; mi khempeuh kisuahtak tek un! Babilon’ mawhna sihpih kei un, bang hang hiam cih leh a mawhna banga a thuak nadingun hih hun in Topa’ thuhkik hun ahi hi.

Jeremiah 50:8

“Israel mite aw, Babilon khuapi pan taikhia un. Khaldel gam panin paikhia un. Kel hon laka keltal bangin a paikhia masa ding kituh un.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Jeremiah 31:8

En un, keimah in leilu lam gam panin amaute ka la ding a, leitung a gamla pen mun panin ka kaikhawm ding hi. Mittawte leh khelbaite zong hong kihel ding uh a, nupi gaite leh nau suak ding numeite-a kipan mi honpi hih lai munah hong ciahkik ding uh hi.

Jeremiah 15:4

Judah kumpipa Hezekiah’ tapa Manasseh in Jerusalem khua-a a bawl thu hangin leitung gam khempeuhte’ lau nadingin ka koih ding hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam panin na pute na pate-uh’ luah dinga ka piak sa gamah hong paikhawm ding uh hi.

Jeremiah 1:14

Tua ciangin Topa in, “Leilu lam panin hih gam mi khempeuhte’ tungah siatna hong sosuk ding hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Ruth 4:1

Tua ciangin kulh kongpi-ah Boaz paito-in tua mun-ah tusuk hi; en in, tanaute, Boaz’ genpa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi; tua ciangin amah hong kihei-in hong tusuk hi.

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Marka 13:27

Tua lai takin amah in a vantungmite sawlin, amaute in a teelsa mite lei kiu li pan, lei mong khat pan van mong khat dongin a kikhawmsak ding uh hi.”

Late 44:2

Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Ezekiel 5:10

Tua kong daantahna hangin nang Jerusalem khuapi sungah pate in a tapate’ sa ne-in, tapate in a pate uh’ sa ne ding uh hi. No a mite kong daantat ding a, a suakta kha sunsunte nangawn mun khempeuh ah kong thehthang gawp ding hi.

Daniel 11:4

Ahih hangin a thahat pen lai takin a gam hong kitam dinga khen li a kisuah ding hi. A suan a khakte in ama gam uk kha loin ama vangliatna zah vaang a nei zo kei ding uh hi; bang hang hiam cih leh ama ukna kibotkhia-in midangte’ tungah kipia ding hi.

Jeremiah 31:38

“En un, Topa in kong cih-inah, nisuahna lam Hananel Tau sangpi panin nitumna lam khua kulh Kiu Kongpi dongin khuapi a kibawl phat hun hong tung ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.