Zekhariah 2:5 - Tedim Bible

⁵ Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Tedim Bible Revision 2017

⁵ Tua khuapi a hu dingin mei kulh bangin Topa mahmah a omna ding le tua khua sungah a minthanna tawh a ten nading thu, Topa in kamciam zo hi, ci-in va gen in,” a ci hi.

Zekhariah 2:5 Referans Kwoze

Isaiah 4:5

Tua ciangin Zion Mual tung khempeuh leh ama kikhopnate tungah, sun-in meii sungah, zan-in meikuang khu tawh Topa in hong bawl ding a, Topa’ minthan’na tung khempeuh ah a kizal khat om ding hi.

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

Zekhariah 9:8

Tua ciangin ka gamsung ka hu ding a, galte ka nawksak kei ding hi. Ka mihingte’ thuakna mu khin ka hih manin, mi gilote ka bawlsiasak nawn kei ding hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Late 48:3

A muan’huaina tua mual-ah Pasian in amah a hu’ taktakpa ahihna a lak khin hi.

Isaiah 33:21

Tua khua sungah Topa in a thahat Pa hi in, a minthan’na hong langsak ding a, a zai gunte leh a zai lui geite-ah i teeng ding hi. Tua tuite tungah ei hong do ding gal gunkuang hong kihot nawn lo ding a, gal teembaw hong pai nawn lo ding hi.

Luka 2:32

Ka mitin ka mu zo hi,” a ci hi.

Late 48:12

Hih in i Pasian hi a, a tawntung-a eima Pasian hi, ci-a khangkikte tungah na gen theih nadingun, Zion kim velin pai-in, a tausangte sim un la, a kulh phungmai hoihte ngaihsunin, a phualpi muan’huaite va nawk kim un. Amah in a tawntungin eite, lam hong lak dingpa ahi hi.

Late 46:5

Ama laizangah Pasian om a, amah a kiliing kei ding hi; Pasian in phalvak tungin amah huh ding hi.

Late 85:9

I gam sungah minthan’na a om theih nadingin amah a zahtakte’ adingin ama hotkhiatna hong om takpi hi.

Late 125:2

Mualte in Jerusalem kimkotah a om mah bangin, Topa in ama mite’ kimkotah tu-a kipanin a tawntungin om ding hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Ezekiel 38:14

Tua ciangin Topa Pasian in kei kiangah, “Ezekiel aw, Gog kiangah hih bangin thu gen in hong ci hi: Keima mi Israelte lungmuang takin a om hun lai takin nangmah na kihanthawn tawm ding a,

Ezekiel 42:20

Tua ahih manin a umna tua kulh a pang li-in a teh khit ciangin a pang li mah-in kikim a, pang khat ciangin tong za nga vive pha a, tua deina kulh pen biakna-a a siangtho leh a mawkmawkte khenna ahi hi.

Zekhariah 2:10

Topa in hih bangin ci hi: “Jerusalem mite aw, lungdamin la sa un. Note tawh hong omkhawm ta ding ka hi hi,” ci hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Jeremiah 31:39

Tua lai panin khuapi huang dingin nitumna lamah Gareb mual dong kiteh suak ding a, Goah lamah a kihei ding hi.

Ezekiel 47:3

A mipa in a tehna piciang tawi-in a tui luan’na nisuahna lam tong tul khat ciang dong teh suk a, a tui kei hong ngaptan sak hi. A tui pen siakmit ciang bek thuk hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.