Zekhariah 2:4 - Tedim Bible

⁴ Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Tedim Bible Revision 2017

⁴ Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulh huam sungah ta zo lo ding uh hi.

Zekhariah 2:4 Referans Kwoze

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.

Micah 7:11

Jerusalem khuamite aw, na khuapi kulh uh a kician’ kik ding hun hong tung ding a, tua hun ciangin na gamgi uh nakpi takin kikhan’ ding hi.

Ezekiel 38:11

A khuapite in gal nan’ nading kulh nei loin, lungmuang takin a om hithiat, a kihu tawm zo lo ding gam khat, simgawp ding na ngaihsun ding hi.

Jeremiah 33:22

Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Jeremiah 31:27

“En un, Topa in kong cih-inah Israel gam leh Judah gam, mihing leh ganhing tawh ka dimsak hun hong tung ding hi.

Isaiah 49:20

Na kikhen uh hun, na dah hun sungun a suak mite in nangma kiangah, ‘Kote’ adingin mun kawcik lua hi; ka om nading uh mun hong bawlsak in,’ hong ci ding uh hi.

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Jeremiah 31:24

Judah gam leh khuapite sungah lokhote leh tuucing a, vak kawikawi mite a teeng khawm ding uh hi.

Isaiah 33:20

Pawite i bawlna khuapi Zion en un! Daii tak-a a kiteen’na mun, a khetphimte a tat ngei lo, a kikhin thei lo puanbuk a bang, Jerusalem khuapi, na mu ding uh hi.

1 TIMOTI MASA 4:12

Khangno lai na hih hanginah kuamah kisimmawhsak kei in. Thugenna, gamtat ngaihsutna, midang itna, upna, siangthona sung pan a um mite ading limpha na suak in.

Daniel 1:17

Pasian in tua khangno lite lai theih siamna leh pilna thukte a pia hi. Daniel pen mangmuhna leh mang khiat siamna a pia hi.

Jeremiah 1:6

Tua ciangin keimah in, “Ah, Topa Pasian aw, en dih in! Thu gen ka siam kei hi; bang hang hiam cih leh naupang khat ka hi lel hi,” ka ci hi.

Esther 9:19

Hih thu hangin gam sung khuaneute-a teeng Judah mite in Adar kha a ni sawm-le-li ni pawibawlna leh lungdam ni dingin tawlngak ni-in nei uh a, anlimnono kikholhna ni-in zang uh hi.

Daniel 1:4

Tua mite in kumpi inn sunga nasem siamte a suah theih nadingun a mel hoih, pumpi tung poina neilo, a navak, hoih taka pilna kisinsak, na a thei baih lungsim navakte ngentang ding ahi hi. Ashpenaz in amaute Babilon lai leh pau a hilh ding ahi hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.

Isaiah 54:16

En un, pum zaap-in ama kizat nading ciat a sem dingin hiam a bawl siksekpa ka piangsak khin hi. A susia dingin a susia gawp theipa zong ka piangsak khin hi;

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.