Zekhariah 2:12 - Tedim Bible

¹² Judah mite in gam siangtho sungah Topa’ neihtuam mite hong suakkik ding a, Jerusalem khua pen a it penpen khuapi hong hi kik ding hi.

Tedim Bible Revision 2017

¹² Judah mite pen gam siangtho sungah Topaʼ neihtuam hong suakkik dinga, Jerusalem khua pen ama it penpen khuapi hong hikik ding hi.

Zekhariah 2:12 Referans Kwoze

Zekhariah 1:17

Tua ciangin vantungmi in ka taangko nading hong genkik leuleu a, “Ama khuapite nakpi takin cithei kikin, Jerusalem khuapi a hehnep kik nading, leh ama khuapi-in Zion a neihkik nading, Topa in gen hi, ci-in gen in,” hong ci hi.

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Late 33:12

Topa pen Pasian-a a nei minam, ama luah dingin teelna a ngah minam in thupha ngah ahi hi.

Jeremiah 51:19

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, ama’ min in a vanglian Topa ahi hi.

Isaiah 41:9

lei mong panin kong lakkhiat, leimong kiu gamla pen pan-a kong sap khiat, “Nang in ka nasempa na hi a, nangmah kong teel khin zo a, nangmah kong nilkhia kei hi,” kong cihpa aw,

Late 135:4

Bang hang hiam cih leh Topa in ama adingin Jakob teel a, ama neihsa dingin Israel teel khin ta hi.

Late 82:8

Pasian aw, tho in, leitung thu khen in; bang hang hiam cih leh minam khempeuh nangma’ aa ahi hi.

Late 132:13

Bang hang hiam cih leh Topa in Zion teel khin zo a, amah in tua mun pen ama teen’ nadingin a deih hi.

Late 132:14

“Hih in ka om tawntung nading mun ahi hi; deih ka hih manin hih lai munah ka teeng ding hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Zekhariah 3:2

Topa’ vantungmi in Satan kiangah, “Satan aw, Topa in nang hong taai hi. Jerusalem a it Topa in nang hong taai hi. Hih Joshua pen, meikhuk sung panin a kiteenkhia singkhuah tawh kibang hi,” a ci hi.

Thu-hilhkikna 32:10

“Amah in sehnel gam, huihpi nun’na gamlakah amaute mu hi; amah in kawi-in kem a, ama mit nauta bangin amaute kem hi.

Esther 6:13

Tua ciangin Haman in a zi Zeresh leh a lawmte khempeuh tungah ama tunga thu piang teng gen hi. Tua ciangin a zi Zeresh leh a lawmte in ama kiangah, “Tu-a na lelhtaak Mordekai in Judah mi ahih leh amah na zo kei ding a, amah in nang hong zo zaw ding hi,” a ci uh hi.

Late 105:15

“Ka sathau nilhte sukha kei un, ka kamsangte tungah siatna bawl kei un!” ci hi.

Isaiah 17:14

En un, nitakin hong lausak vat a, zingsang ma-in amaute bei ta! Hih bang thute pen, eite hong susia-in eite hong luh gawpte’ thuak ding ahi hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.