Zekhariah 13:9 - Tedim Bible

⁹ Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Tedim Bible Revision 2017

⁹ Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Zekhariah 13:9 Referans Kwoze

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Sawltak 2:21

Tua lai takin Topa’ min tawh thu a ngen peuhmahte in Gupna a ngah ding uh hi, ci-in Pasian in a gen hi,’ a ci hi.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Mangmuhna 21:7

A zo mi in hih nate luahin, kei in ama Pasian ka hi ding a, amah in ka ta ahi ding hi.

1 PETER MASA 4:12

Ka itte aw, note hong ze-et nadingin na thuak uh mei tawh kisit, bawlsiatna in note tungah lamdangsak huaina ahi ci-in ngaihsun kei un, na lungmang kei un.

Jeremiah 30:22

Tua ciangin note in ka mite na hi ding uh a, keimah in note’ Pasian ka hi ding hi,” a ci hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Hebru 8:10

A nung ciangin Israel’ innkuanpihte tawh ka thuciamna in, keimah in ka thukhamte, Amaute lungsim sungah ka guang ding hi, a lungtang uhah ka gelh ding hi, amaute Pasian ka hi ding hi, amaute in ka mite ahi ding uh hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Isaiah 58:9

Tua ciangin thu nong nget uh ciangin kong pia ding a, nong sap uh ciangin kong dawng ding hi. Mi bawlsiatnate khawlin, mi simmawhna khutme tawh kawk in kam gilo na paunate uh na khawl uh a,

Siampi Laibu 26:12

Keimah in note lakah omin note’ Pasian hi-in, note in keima mite na hi ding uh hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Paunak 17:3

Kham leh ngunte, mei sungah kize-et a, mihingte’ lungsim, Topa in ze-et hi.

Late 144:15

Tua bang thupha ngah mi in mi lungdam ahi hi! Topa pen amau’ Pasian ahi mite pen mi lungdam ahi hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Ezekiel 37:27

Amaute tawh teeng khawmin, amaute’ Pasian ka hi ding a, amaute pen keima mite hi ding hi.

Ezekiel 36:28

Tua ciangin na pu na pate uh tungah ka piaksa gamah na teeng ding uh a, note in keima mi hi-in; kei in note’ Pasian ka hi ding hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute in keima mi hi-in, keimah in amaute’ Pasian ka hi ding hi.

Jeremiah 32:38

Amaute ka mi ahi ding uh a, keimah in amaute’ Pasian ka hi ding hi.

Mangmuhna 8:7

Khatna vantungmi in peengkul a mut leh, sisan tawh kihel gial leh mei leitungah kia-in, lei seh thum suah seh khat, sing seh thum suah seh khat leh lopa hing khempeuh a kangtum hi.

Mangmuhna 8:8

Nihna vantungmi in peengkul a tum ciangin, mei in a kat mualpi bang na khat in tuipi sungah kia a, tuipi seh thum suah seh khat sisan suakin,

Mangmuhna 8:9

tuipi sungah a om nuntakna a nei ganhing seh thum suah seh khat a si uh hi. Teembaw seh thum suah seh khat a kisia hi.

Mangmuhna 8:10

Thumna vantungmi in peengkul a tum ciangin meilah kuang bangin kuangin a om aksi lianpi khat in van panin gun seh thum suah seh khat leh ciktui seh thum suah seh khat tungah a kia hi.

Mangmuhna 8:11

Tua aksi a min in Gamsai kici hi. Tua lai takin tui seh thum suah seh khat in gamsai-tui suak a, tua tui kha ahih ciangin mi tampi a si uh hi.

Mangmuhna 8:12

Lina vantungmi in peengkul a tum ciangah ni seh thum suah seh khat, kha seh thum suah seh khat, aksite seh thum suah seh khatte su kha a, seh thum suah seh khat a mial hi. Sun seh thum suah seh khat a tang kei hi, zan seh thum suah seh khat in khuavakna nei loin a piang hi.

Jeremiah 24:5

Hih mun panin Khaldea mite’ gam a, ka puakkhiat Judah mi sal tangte hih theigah hoihte bangin a hoih-in ka ngaihsun ding hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

2 SAMUEL NIHNA 7:24

Nangmah in nangma mi ahi tawntung dingin na mi Israelte nangma adingin na kipsak hi; Topa aw, nangmah in amaute’ Pasian na suak hi.

JOB (Job) 28:1

“Ngun a kitawh khiatna ngunkhuk om a, kham a kisian’ sakna mun mah a om hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

Solomon la 2:16

Ka ngaihno in keima aa hi; kei in ama aa hi’ng. Amah in unok paakte lakah a tuu cing a,

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.

Ezekiel 14:11

Israel mite in kei hong nusiat loh nading leh a mawhna uh tawh a kinitsak loh nadingun hih bangin ka hih ding hi. Amaute in keima mi hi ding uh a, keimah in amaute’ Pasian ka hi ding hi. Topa Pasian ahi keimah in hih thu ka gen hi,” hong ci hi.