Zekhariah 13:3 - Tedim Bible

³ Mi khatpeuh kamsang a kineih lai teitei leh, a pian’na a nu leh a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei leh, a nu leh a pa mahmah in tem tawh sun lum ding uh hi.

Tedim Bible Revision 2017

³ Mi khatpeuh kamsang a kineih lai teitei leh, a pianna a nu le a pa mahmah in kho ding uh a, ‘Topaʼ min paulamin zuau thu gen na hih manin na si ding hi,’ ci ding uh hi. Tua bangin thu a gen teitei le, a nu le a pa mahmah in tem tawh sunlum ding uh hi.

Zekhariah 13:3 Referans Kwoze

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Ezekiel 14:9

Kamsang khatpeuh peuh kikhemin a man loin thu hong dawn’ leh, Topa ahi keima’ khem hi ding hi. Israel mite lak panin tua kamsangpa ka la khia ding hi.

Jeremiah 23:34

Kamsang khat, ahih kei leh siampi khat, ahih kei leh ka mite khat peuhpeuh in, ‘Topa’ thugen in vangik khat ahi hi,’ a cih leh tua pa leh a innkuanpihte khempeuh daan ka tat ding hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Luka 14:26

Amah kihei a, “Kei kiangah hong pai nuamte in a nute, a pate, a zite, a tate, a sanggampate, a sanggamnute ahi zongin, tua tham loin ama nuntakna nangawn a muhdah kei leh, keima nungzui a suak zo kei ding hi.

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 28:15

Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Ezekiel 13:23

Tua ahih ciangin tu-in na zuau maangmuhnate uh leh mi lam a khialsak thei na thugen kholhnate uh bei ta ding hi. Note’ khut sung panin ka mite ka honkhia ta dinga tua ciangin Topa ka hihna thu na thei ding uh hi,” hong ci hi.

Ezekiel 43:7

“Ezekiel aw, hih lai munah ka kumpi tokhom om hi. Israel mite lak hih lai munah ka teeng ding a, amaute ka uk tawntung ding hi. Israel mite leh a kumpite un pasian dang biakna tawh ahi a, a kumpi sisate uh phawk nading mual bawlna tawh ahi zongin ka min siangtho daisak ngei nawn lo ding uh hi.