Zekhariah 12:8 - Tedim Bible

⁸ Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Tedim Bible Revision 2017

⁸ Tua ni ciangin Topa in Jerusalem-a a teeng mite hu dinga, a gina lo pente nangawn David zahin thahat ding hi. Davidʼ suanlekhakte in Topaʼ vantungmi le Pasian mahmah bangin amaute a makai ding uh hi.

Zekhariah 12:8 Referans Kwoze

Zekhariah 9:8

Tua ciangin ka gamsung ka hu ding a, galte ka nawksak kei ding hi. Ka mihingte’ thuakna mu khin ka hih manin, mi gilote ka bawlsiasak nawn kei ding hi.

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Micah 7:16

Minam dangte in hih thu mu ding uh a, minam thahat hi napi-in maizum ding uh hi. Lamdang sa-in kam khat zong pau lo ding uh a, hih thu a zakzakna-un a bil uh ngong liang ding hi.

Micah 7:8

Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.

Joel 3:10

Lo khawhna tuute namsau-in seek un la, singhiang heuhna temkawite teipi-in seek un. A thanemte in “Ka tha a hat hi” ci ta uh hen.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Mangmuhna 22:13

Keimah in Alfa leh Omega, a masa bel, a nunung bel, a kipatna leh a tawpna ka hi hi.

Hebru 11:34

meikuang a mitsak uh hi, namsau mai-ah a suakta uh hi, thanemna pan a thahat uh hi, galdona-ah a hang uh hi, gamdang galkapte a taisak uh hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Hosea 12:3

Jakob in a nu’ sung nangawn pek panin a sanggampa sawk pah a, a khangham ciangin zong Pasian tawh kilai hi.

Jeremiah 27:10

Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Late 82:6

Ke’n kong cih-inah, “Note khempeuh in, Sang Penpa’ tate, pasiante, na hi uh hi;

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Paikhiatna 14:19

Tua ciangin Israel honpite' mai-ah a pai Pasian’ vantungmi kikhin-in amaute' nungah pai hi; amaute' mai panin meii khuam kikhinin amaute' nung-ah ding a,

Paikhiatna 33:2

Note’ mai-ah vantungmi khat ka sawl ding a, Kanaan mite, Amor mite, Hit mite, Perez mite, Hiv mite leh Jebus mite ka hawlkhia ding hi.

Siampi Laibu 26:8

Note nga in zakhat zo-in, note zakhat in tulsawm na zo ding uh hi: note’ mai-ah namsau in na galte uh puksak ding hi.

Joshua 23:10

Note tungah hong ciamsa bangin note adingin hong dosakpa in Topa na Pasian uh ahih manin note khat in mi tulkhat na tai keek sak uh hi.

Late 8:5

Ahi zongin, Pasian sangin a neuzaw deuhin amah na bawl a, minthan’na leh pahtawina na guan hi.

Isaiah 31:4

Bang hang hiam cih leh Topa in keima tungah hih bangin hong ci a, humpinelkai ahi a, humpinelkai khanglai in ahi zongin a sa nek ding a ngik ciangin, amah do dingin tuucingte honpi khat kisamkhia-in, amaute’ otna hangin lau tuan loin , amaute’ gamlumna hangin a sin a dawilok tuan loh mah bangin, Vanglianpen Topa zong Zion Mual tungah galdo dingin hong kuansuk ding hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Isaiah 33:24

I gam-a teeng mite kuamah in, “Ka ci na,” ci nawn lo ding uh a, mawhna khempeuh kimaisak ding hi.

Zekhariah 10:7

Israel mite’ galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.