Zekhariah 12:6 - Tedim Bible

⁶ Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Tedim Bible Revision 2017

⁶ “Tua ni ciangin Judah minamte, tulak kaang le buhphual kaang ka bangsak dinga, a kiim a om minam dangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Zekhariah 12:6 Referans Kwoze

Obadiah 1:18

Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Zekhariah 2:4

Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Zekhariah 9:15

Vanglianpen Topa in ama mite hu ding a, ama mite in a galte uh susia ding hi. Galdona sungah, zukham bangin awng gawp ding uh a, a galte uh’ sisan luangsak gawp ding uh hi. Biakna site, biakna tau tungah, hai-a sun tawh kibangin luangsak ding uh hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Isaiah 54:3

Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.

Isaiah 9:20

Amaute in taklam-a omte ne uh a, ahih hangin gilkial lai uh hi, amaute in veilam-a omte ne uh a, ahih hangin kham nai lo uh hi; mite in amau’ vengte’ sa ne ciat uh hi,

Mangmuhna 20:9

Amaute zanglei tungah a kahtoh khit uh ciangin siangtho giahna phual leh a ithuai khuapi a uum uh ciangin, vantung panin mei kia-in tua mite a valh hi.

2 KORIN NIHNA 6:7

thuman thuhilhna, Pasian’ vangliatna lahna, dikna galhiam ziat lam leh vei lamah silhna hang ahi zongin,

Zekhariah 11:1

Mei in na taamtaak kungte a kat theih nadingin, na kongpite hong in, Lebanon aw,

Zekhariah 2:12

Judah mite in gam siangtho sungah Topa’ neihtuam mite hong suakkik ding a, Jerusalem khua pen a it penpen khuapi hong hi kik ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.

Zekhariah 12:5

Tua ciangin Judah minamte in, ‘Jerusalem-a a teeng mite, Vanglianpen Topa ahi amau’ Pasian’ hangin thahat uh hi,’ ci ding uh hi.