Zekhariah 12:5 - Tedim Bible

⁵ Tua ciangin Judah minamte in, ‘Jerusalem-a a teeng mite, Vanglianpen Topa ahi amau’ Pasian’ hangin thahat uh hi,’ ci ding uh hi.

Tedim Bible Revision 2017

⁵ Tua ciangin Judah minamte in, ‘Jerusalem-a a teeng mite, Vanglian Topa ahi amauʼ Pasianʼ hangin thahat uh hi,’ ci ding uh hi.

Zekhariah 12:5 Referans Kwoze

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Late 18:32

keimah thahatna hong guan, Pasian, ka lampi lungmuan’ nadinga a bawlpa ahi hi.

Late 144:1

Ka khutte galdo nading, ka khutmete galkap nadinga a hilh, kei hong hu, Topa in thupha ngah ta hen;

Late 18:39

Bang hang hiam cih leh galdo nadingin keimah tha nong guan a, keimah hong dote ka nuai-ah na nenniam hi.

Isaiah 28:6

thukhen a, a tupa tungah thutang lungsim guan ding a, khuapi kulh hong luh galte a notkhia mite tungah han’na lungsim guan ding hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

Isaiah 60:17

Sumngo tangin kham kong paipih ding a, sik tangin ngun kong paipih ding hi; sing tangin sumngo, suang tangin sik kong paipih ding hi. Nuam na sak nadingun na mangliante uh bawlin, na nasem ukte thuman thutang tawh na ka semsak ding hi.

Isaiah 32:1

En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Isaiah 29:10

Bang hang hiam cih leh Topa in note tungah nakpi ihmut nopna lungsim hong guang a, nomau’ mit ahi kamsangte mitsi sak-in, nomau’ lutang ahi thu mutheite khuhcip hi.

Isaiah 1:26

A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

Thukhente 5:9

Mite lak panin utna tawh amau a kipia tawm Israel a ukte lamah ka lungsim pai hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Zekhariah 14:14

Judah mite in Jerusalem khuapi hutna-in galsim ding uh a, minam dang khempeuhte’ neihsa, kham, ngun, leh puante tampi tak laksak ding uh hi.

Isaiah 28:5

Tua ni ciangin Vanglianpen Topa pen ama mi a om laite’ adingin minthan’na kumpi lukhu leh hoihna lukhu hi ding hi;

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.