Zekhariah 12:3 - Tedim Bible

³ Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.

Tedim Bible Revision 2017

³ Tua hun hong tun ciangin suangtumpi gik mahmah bangin Jerusalem khuapi ka bawl dinga, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Zekhariah 12:3 Referans Kwoze

Mattiu 21:44

Hih suang tungah a kiate in a kitan ding hi. A tungah hih suang kia a, a deen’ khak peuhmahte kizangawp ding hi,” a ci hi.

Luka 20:18

Hih suang tungah a kiate khempeuh a kitan ding uh hi. A tungah hih suang kia a, a deen’khak peuhmahte in leivui bangin kizan gawp ding hi,” a ci hi.

Zekhariah 14:6

Tua ni hong tun’ ciangin khuavak, khuadam, vukkiat cihte om nawn lo ding a,

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Zekhariah 12:11

Tua hun lai takin Jerusalem khua sunga kap-a thuumna in, Megiddo zanglei-a Hadadrimmon pasian’ sihna hangin kahna leh thuumna zah mahin nasia ding hi.

Mangmuhna 16:14

Amaute in nalamdangte lakin Vanglianpen Pasian’ ni lianpi-ah galdo-in leitung khempeuh pan kumpite kikhawmsak dingun a paikhia dawigilo’ khate ahi uh hi.

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a mat khak mite manin khat leh khat kilaithang gawp ding uh hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Zefaniah 3:19

En un, tua hun ciangin no hong bawlsiate, daan ka pia ding a, a khebaite honkhia-in, a kipaikhiatpih mite ka ciahpih ding hi. Amau’ maizumna, minthan’na ka suaksak ding a, mi khempeuh in amaute phat ding uh hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Micah 5:15

Ka thu hong mang lo minamte tungah hehna tawh phu ka la ding hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Obadiah 1:18

Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Isaiah 60:12

Bang hang hiam cih leh nangma na hong sem lo minam leh kumpi gam beimang ding hi; tua minamte kisia maimang ding hi.