Zekhariah 12:1 - Tedim Bible

¹ Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Tedim Bible Revision 2017

¹ Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Zekhariah 12:1 Referans Kwoze

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

Jeremiah 51:15

“Pasian in ama’ vangliatna tawh leitung bawl a, ama’ pilna tawh leitung piangsakin, ama’ siamna tawh vantung a zalh hi.

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Isaiah 48:13

Ka khut in leitung bulpi koih a, ka khut taklam in vantungte zal hi; amaute ka sap ciangin amaute omkhawm pah uh hi.

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Thuhilh-sia 12:7

I pumpi, lei suak kik ding a, i nuntakna a hong pia Pasian’ kiangah, i kha ciahkik ta ding hi.

Gamlak-vakna 16:22

Amaute boksuk uh a, “Pasian, mi khempeuhte tungah nuntakna a pia Pasian aw, mi khat khial ding a, mihon khempeuhte tungah nang heh ding na hi hiam?” a ci uh hi.

Piancilna 2:7

Topa Pasian in leilak pan-a leivui tawh mihing bawl a, a nak sungah nuntakna hu sangsuk hi; mi in nuntakna a nei mihing hong suak pah hi.

Ezekiel 18:4

Mi khempeuh in keima aa hi a, pate ahi a, tate ahi zongin keima aa ahi hi. A mawh mipa bek si ding hi.

Jeremiah 38:16

Tua ciangin kumpipa Zedekiah in Jeremiah’ kiangah, “Eite nuntakna a hong pia Topa a nuntak bangin kong si sak kei ding a, nang a hong that nuam hih mite’ khut sungah zong kong pia kei ding hi,” ci-in kiciamna a pia sim hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

JOB (Job) 26:7

Pasian in mun awng tungah vanpi zal a, bangmah in len lopi-in leitung khai lingleng hi.

Jeremiah 10:12

Pasian in ama’ vangliatna tawh leitung bawl a, ama’ pilna tawh leitung piang sakin, ama’ siamna tawh vantung a zalh hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Isaiah 40:22

Leitung-a teeng mite kauphe tawh kibang, tua leitung kimkot tunga kumpi tokhom tungah a tu-pa; vantungte pen puan bangin zal-in, a sungah teen theih nadingin puanbuk bangin a zalpa;

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Late 104:2

Puanza bangin, khuavak tawh nang na kituam a, vantungte pen puanbuk bangin na zal hi.

Malakhi 1:1

Topa in Malakhi tung tawnin Israelte tungah thu gen hi.

Zekhariah 9:1

Topa’ thugenna: Hadrak gamte’ daantuah nading Topa in thukhen zo a, Damaskas khuapi in zong tuak ding hi. Israel minam khempeuh, Topa’ aa ahih mah bangin, leitung minam khempeuh zong Topa’ aa ahi hi.

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

JOB (Job) 37:18

Limlang bangin a sak van peekpi, ama hih bangin zal zo na hi hiam?

Piancilna 1:8

Pasian in van kuumpi pen Vantung ci hi. Nitak hong bei-in, zingsang hong tung a, ni nihna ahi hi.

Late 134:3

Van leh lei a bawl Topa in Zion panin note thupha hong pia ta hen!