Zekhariah 11:8 - Tedim Bible

⁸ Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Tedim Bible Revision 2017

⁸ Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Zekhariah 11:8 Referans Kwoze

Johan 15:18

“Leitung mite in no hong muhdah uh leh, note hong muhdah ma-in kei hong mudah uh hi ci-in na thei ta un.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Hosea 9:15

Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Jeremiah 14:21

Nangma’ min hangin kote hong nolh kei in; a vanglian na tokhom mindai sak kei ta in. Kote tawh nong thuciamna phawk in la, hong ciam pel kei ta in.

Jeremiah 12:8

Ka luah ding a ka teelsa mite in gamlak-a humpinelkai bangin kei’ lang khatah pangin hong hawksan uh a, tua ahih manin ka mudah hi.

Late 106:40

Tua ciangin ama mite tungah Topa’ hehna hong kikuantawh a, amah in ama luah minamte a kih hi;

Thu-hilhkikna 32:19

“Topa in tua thu thei a, a tapate leh a tanute in hehsak ahih manin tua ama tate a nolh hi.

Siampi Laibu 26:44

Bang bang ahi zongin, amaute a galte uh gam sungah a om sung teng uh keimah in amaute nilkhia loin, amaute a susia maimang zah ding leh amaute tawh ka thuciamna a pelh zah dingin amaute ka mudah kei ding hi; bang hang hiam cih leh keimah in Topa amau Pasian ka hi hi;

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

Siampi Laibu 26:11

Keimah in note lakah omna ka bawl ding a, keimah in note kong kih kei ding hi.

Luka 12:50

Ahih hangin, baptaizna khat thuak ding ka nei hi. Tua baptaizna ka thuak matengin ka lungkim lo ding hi.

Late 78:9

Thal a tawi Efraim mite in gal kido ni-in nungkik uh hi.

Late 5:5

A kisatheite na mit tawh kituak lo hi; siatna bawlte khempeuh na mudah hi.

Jeremiah 6:30

Amaute a kideih lo ngun a kici ding uh hi, bang hang hiam cih leh Topa in amaute ka deih kei hi.”

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Ezekiel 16:45

Nang pen na nu’ ta taktak na hi hi. Na nu in a pasal leh a tate mudah hi. A pasalte uh leh a tate uh a mudah na sanggam numeite mah tawh na kibang hi. Nang leh na sanggam numei khuapi dangte in nu-in Hit mi nei-in, pa-in Amor mi na nei uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

1 KUMPI MASATE 11:25

Hadad mah bangin Solomon’ hun sung khempeuh amah Israelte langpangin omin siatna bawl hi; amah in Israel mudah a, Siria gamah uk hi.