Zekhariah 11:4 - Tedim Bible

⁴ Topa ka Pasian in kei tungah thu hong gen a, “Gawh dinga kikoih tuuhonte va cing in.

Tedim Bible Revision 2017

⁴ Topa ka Pasian in kei tungah thu hong gen a, “Gawh dingin a kikoih tuuhonte va cing in.

Zekhariah 11:4 Referans Kwoze

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

ROM (Romans) 15:8

Khazih in Pasian’ thuman thutak hangah pute pate tungah a piak thuciamna a kip nadingin ahi zongin, Gentailte in zong Pasian’ hehpihna ngahin Pasian a minthan’sak theih nading uh ahi zongin, vun atna a thuak mite’ nasem mi a suak hi. Lai Siangtho sungah: “Tua ahih ciangin Gentailte lakah na hehpihna ka phat a, Nangma min phatna la ka sa ding hi,” ci-a a kigelh bang ahi hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Mattiu 15:24

Zeisu in, “Israel pawl a mangthang tuute longal adang mipawlte kiangah kei hong sawl lo hi,” a ci hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Late 44:22

Nangma hangin sunthapai-in kote hong kithat a, gan gote tuu gawh ding bangin hong kikoih hi.