Zekhariah 11:12 - Tedim Bible

¹² Tua ciangin kei zong amaute kiangah, “Hoih na sak uh leh ka tuucin’ thaman hong pia un. Hoih na sak kei uh leh lah tang lel un,” ka ci hi. Tua ciangin ka thaman dingin ngun shekel sawmthum hong pia uh hi.

Tedim Bible Revision 2017

¹² Tua ciangin kei zong amaute kiangah, “Hoih na sak uh leh ka tuucin thaman hong pia un. Hoih na sak kei uh leh lah tang lel un,” ka ci hi. Tua ciangin ka thaman dingin ngun shekel sawm thum hong pia uh hi.

Zekhariah 11:12 Referans Kwoze

Mattiu 26:15

“Kei in no khut sungah Zeisu kong piak leh, bangzahin nong guai ding uh hiam?” ci-in a dot ciangin, amau in dangka peek sawmthum ama ading a tawikhai uh hi.

Paikhiatna 21:32

Bawngtal in sila ahi pasal hita leh numei hita leh khat a ki tawh a sik leh, a neipa in amau’ topa tungah ngun shekel sawmthum pia ding a, bawngtal kideng lum ding hi.

Piancilna 37:28

Tua ciangin Midian mi sum bawlte in hong nawk hi; amaute in Josef kai to-in dum sung panin domkhia to uh a, Ishmael mite' tungah ngun shekel sawmnih-in amah zuak uh hi; amaute in Izipt-ah Josef paipih uh hi.

Johan 13:2

Dawimangpa in Simon’ tapa Judas Iskariot sungah Zeisu a lehheek nadingin lungsim a guan’ khit ciangin; nitak an a nek lai takun,

1 KUMPI MASATE 21:2

Hih thu khit ciangin Ahab in Naboth kiangah, “Ka inn tawh kinai ahih manin anteh huan dingin ka neih theih nadingin na leenggui lo hong pia in; keimah in tua tang dingin leenggui lo hoihzaw khat kong pia ding hi; ahih kei leh zong nang adingin a hoih zawk ding leh a man ding sum kong pia ding hi,” a ci hi.

2 KHANG TANGTHU NIHNATE 30:4

hih geelna pen kumpipa leh a kikhawm khempeuh adingin hoih leh kilawm hi.

Mattiu 27:9

Pasian in kamsangpa Jeremiah tungah, “Israel mite in a man a tansa mipa man dangka sawmthum a la uh a,

Mattiu 27:10

Pasian in kei kiangah a hong cih mah bangin, beel seekpa’ leikhawk khat a lei uh hi,” a cihna tua lai takin a tangtung hi.

Piancilna 23:16

Efron’ cih bangin Abraham thukim hi; Abraham in Efron’ adingin, Hit mite’ zakna-ah a min lawh zah, tua hun lai tak-a sumbukte lak-a kizang a gik zah tawh kizui-in ngun shekel zali teh khia hi.

1 KUMPI MASATE 5:6

Tua ahi ciangin Lebanon taamtaak singte kei adingin a kiphuk nading thu pia in; ka nasemte in nangma nasemte seppih ding uh a, nangma seh bangin na nasemte’ thaman ding nang tungah kong pia ding hi; bang hang hiam cih leh Sidon mite bangin sing suih zia a thei kote lakah khat zong a om lohna na thei hi,” a ci hi.

Jeremiah 32:9

“Keimah in zong ka innlak sanggampa Hanamel’ kiang panin Anathoth khua-a lo ka lei a, ama adingin ngun shekel sawm leh sagih ka tehkhia hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Siampi Laibu 27:4

Tua mi in numei ahih leh, na sehna in shekel sawmthum hi ding hi.