Zekhariah 11:11 - Tedim Bible

¹¹ Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

Tedim Bible Revision 2017

¹¹ Tua ahih manin tua ni-in thuciamna kiphiat hi. Tuu sum meet bawlte in hong en giaugiau uh a, hih bang a ka gamtatna panin Topaʼ thugen ahih lam a phawk uh hi.

Zekhariah 11:11 Referans Kwoze

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.

Luka 19:48

Ahih hangin mite in ama thu ngai-in beel uh ahih ciangin amah thah nading thu a mu zo kei uh hi.

Luka 7:22

Tua ciangin, “Note pai un la, na zaksa, na muhsa uh thute Johan kiangah va gen un. Mittawte in khua mukik thei uh hi. Khebaite in lam a pai thei uh hi. Phakte in damna a ngah kik uh hi. Bengngongte in khua a za thei uh hi. Misite in hin’na a ngah kik uh hi. Mizawngte kiangah Lungdamna Thu kihilh hi.

Luka 2:38

Amah tua lai takin tunga Pasian hehpihna phatin, Jerusalem khuapi suahtak nading a lamen mi khempeuhte kiangah tua naungeek thu teng a gen hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Late 69:33

Bang hang hiam cih leh Topa in a cimawhte’ aw za a, henna sunga om ama mite simmawh lo hi.

Thu-hilhkikna 31:29

Bang hang hiam cih leh ka sih khit ciangin note gamtat sia-in, note kong sawlna lampi panin na pial taktak ding lam uh ka thei hi; note’ nasepna tawh amah hehsakin, Topa muhna ah a sia gamta ding na hih manun, hong pai ding hunte ah note tungah gimna hong tung ding hi,” a ci hi.

Thu-hilhkikna 31:21

Siatna leh haksatnate amaute tungah a tun’ ciangin hih la in teci-in amaute lang khatah pang ding hi (bang hang hiam cih leh a suan leh khakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

2 KHANG TANGTHU NIHNATE 9:14

sumbawlte leh sumbukte’ tutte a kisim lo ahi hi; Abrabia kumpite khempeuh leh gamsung a ukte in Solomon kiangah kham leh ngun puak uh hi.

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.