Zekhariah 11:1 - Tedim Bible

¹ Mei in na taamtaak kungte a kat theih nadingin, na kongpite hong in, Lebanon aw,

Tedim Bible Revision 2017

¹ Lebanon aw, mei in na taamtak kungte a kat theih nadingin na kongpite hong in.

Zekhariah 11:1 Referans Kwoze

Jeremiah 22:23

Lebanon gam pan-a kila taamtaak inn sungah nuam takin na teeng uh hi. Ahih hangin gimna hong tun’ ciangin bang zah takin na tau ding uh hiam? Numei nausuak dingte na bang ding uh hi.

Zekhariah 10:10

Izipt leh Assiria gam panin amaute ka ciahpih kik ding a, amau’ gam amau’ lei-ah ka teengsak ding hi. Gilead gam leh Lebanon gamah zong ka teengsak ding a, gam khempeuhah mi dim ding hi.

Haggai 1:8

Tu-in mual tungah kuanto un la, sing sui un. Tua singte tawh biakinn lamkik le uh cin, kei ka lungdam ding a, nong biak ding uh akilawm bangin kei nong bia thei ding uh hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Habakkuk 2:8

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Ezekiel 31:3

A hiangte hoih-in pha mahmah a, a kung sang mahmahin meii lak a ban, Lebanon-a taamtaak tawh na kibang uh hi.

Zekhariah 11:2

Taaksan kungte aw, kapin thuum un; taamtaak kungte pukkhin a, a minthang singkungte kisia ta hi. Bashan tawsaw kungte aw, kapin thuum un; gammang tupi sing teng kiphuk ta hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.