Zekhariah 10:6 - Tedim Bible

⁶ Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Tedim Bible Revision 2017

⁶ Judah mite ka thahatsak dinga, Israel mite ka hon khia ding hi. Amaute ka khasiat dinga, inn ah ka ciahpih ding hi. Amaute cikmah hunin ka nial ngei loh bang keekin nuam takin a om ding uh hi. Kei pen Topa, amauʼ Pasian ka hi a, amauʼ thungetnate ka pia ding hi.

Zekhariah 10:6 Referans Kwoze

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam panin na pute na pate-uh’ luah dinga ka piak sa gamah hong paikhawm ding uh hi.

Zekhariah 8:11

Ahi zongin tu-in a suakta lai hih minamte, ni danga-te ka bangsak kei ding hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Micah 7:16

Minam dangte in hih thu mu ding uh a, minam thahat hi napi-in maizum ding uh hi. Lamdang sa-in kam khat zong pau lo ding uh a, hih thu a zakzakna-un a bil uh ngong liang ding hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Ezekiel 37:16

“Ezekiel aw, sing ciangkhut khat la in la, a tungah, ‘Judah kumpi gam’, ci-in gelh in. Tua ciangin adang khat la leuleu in la, a tungah, ‘Israel kumpi gam’, ci-in gelh leuleu in.

Ezekiel 36:11

A mihing a ganhing in kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Ni dangin na om ngei bangun kong omsak kik ding a, a nidang sangin a cithei zaw-in kong bawl ding hi. Tua ciangin Topa ka hihna thu na thei ding uh hi.

Jeremiah 31:31

“En un, Topa in kong cih-inah, Israel minamte leh Judah minamte tawh thuciamna thak khat ka bawl ni hun hong tung ding hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Micah 4:6

Topa in hih bangin ci hi: Tua ni ciangin keimah in khebaite kaikhawmin, a kihawlkhiate leh gimna ka thuaksak mite ka kaikhawm ding hi.

Obadiah 1:18

Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Isaiah 54:4

“Lau kei in, maizumna na thuak kei ding hi; cih nading thei loin om kei in, maizumin nang hong kikoih lo ding hi; bang hang hiam cih leh na khangno lai-a na zumhuaina leh meigon’na hanga hong kikonate na phawk kha nawn kei ding hi.

Isaiah 54:8

Heh luatna hangin tomno sung nang kiang panin ka maitang ka seel a, ahih hangin tawntung itna tawh nang tungah hehpihna kong nei kik ding hi, nangmah hong Tankhia Topa in ci hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.

Zekhariah 9:16

Tuucingpa in a tuuhonte, lauhuaina pan a hot bangin, tua ni ciangin Topa, amau’ Pasian in a mite honkhia ding hi. Kumpi lukhu tunga suangmanphate bangin, ama gam sungah a mite taang ding uh hi.

Jeremiah 30:20

A tate uh nidang bang mahin a omkik ding uh a, a mite uh zong kip takin ka mai-ah ka phut ding a, amau a bawlsiate ka daantat ding hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.