Zekhariah 10:2 - Tedim Bible

² Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

Tedim Bible Revision 2017

² Mihingte in milim peuh thudotin nei uh a, a thu ngahte uh zuau thu le a mawkna hi lel hi. Mang khia thei-a kineite in lam lakkhial uh a, amauʼ hehnepnate a mawknapi hi lel hi. Tua ahih manin tuu bangin mite mangthang uh a, makai a neih loh manun gimna a ngah uh hi.

Zekhariah 10:2 Referans Kwoze

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Habakkuk 2:18

Milim, banga kimang ahi hiam? Mihingte’ bawl na khat hi lel a, thuman hong gen thei lo hi. Tua bang a pau thei beek lo pasian khat, a bawlpa in muan’in a neih bang phatuam ahi hiam?

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Ezekiel 34:5

Tua tuute in a cing ding nei lo uh ahih manin kithehthang gawp uh a, gamlak sate’ an suak lel uh hi.

Jeremiah 27:9

Tua ahih manin Babilon kumpipa’ na sem kei un, ci-a note’ kianga a hong gen na kamsangte uh, na aisan theite uh, na mang man’ theite uh, na khutlamen theite uh leh na mangsan theite uh’ thu gennate um kei un.

Piancilna 31:19

Laban a tuu mul met dingin pai khia a, Rachel in a pa’ inn sung pasiante gu hi.

Ezekiel 34:8

Keimah in a nungta Topa Pasian ka hih takpi mah bangin, keima thu nong ngaih zawk ding uh hi napi-in, tu-in a cing om lo ahih manin gamsate in ka tuute manin that in ne uh hi. Ka tuu a cingte in a tuu uh zong loin, amau pumpi bek mah kivakin ka tuute vak lo uh hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Ezekiel 21:29

No Ammon mite aw, a siangtho lo, mi gilote, a daantuah nading uh hun tungta ahih manin, sumai gawp un, ci-in a hong hanthawn, na mangmuhnate uh zuaupi hi a, na ai phate uh a mawkna hi.

Ezekiel 21:21

Lamka a tun’ ciangin Babilon kumpipa khawl phot ding hi. A tot ding lampi a theihtheih nadingin ai nam tuamtuam saan ding a, a thaltangte sing seuhseuh-in, innsung pasian milimte thu dongin, biakna-in a gawh ganhing sin vel ding hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 51:23

tuucingte leh a tuute, lokhote leh a tute, kumpite leh ukpite ka satnen hi.

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.

Jeremiah 28:15

Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Jeremiah 14:13

Tua ciangin keimah in, “Aa, Topa Pasian aw, en dih in, Kamsangte in amaute kiangah, ‘Note in namsau ahi zongin, kial ahi zongin na mu kha kei ding uh a, hih munah lungnopna kip Pasian in hong pia ding hi,’ a ci uh hi,” ka ci hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 8:11

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Isaiah 46:5

“Note in kei, kua tawh hong kibang sakin hong kikim sak ding a, ka kibatpih dingin kua tawh hong enteh ding na hi uh hiam?

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi; milim a biate in khuamu thei lo, thu theithei lo a, amaute in maizumna thuak uh hi.

JOB (Job) 21:34

Tu-in note in amawknapi tawh hehnep nong sawm uh hi. Na gen thu khempeuh uh zuauthu bek hi lel hi,” a ci hi.

JOB (Job) 13:4

Note in na haina uh zuauthu tawh na melh uh a, kuamah a damsak zolo zato siam-a kineite tawh na kibang uh hi.

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi; Topa in, Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Thukhente 18:14

Tua ciangin Laish gam a ensim dingin a pai mi ngate in a sanggamte uh kiangah, “Hih innte sungah siampi puan khat, inn sung pasiante, a kiseek milim khat, leh a kisung milim khat a omna na thei uh hiam? Tua ahih ciangin tu-in na hih ding uh ngaihsun un,” a ci uh hi.

Gamlak-vakna 27:17

“Topa’ mihonte a cing nei lo tuute a bat loh nadingin amaute’ mai-ah pai khia-in amaute mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Jeremiah 23:32

En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Thu-hilhkikna 13:2

ama hong gen lim ahi a, nalamdang ahi zongin hong tungin, na theih ngei loh uh, ‘Adang pasiante nung zui-in amaute na sem ni,’ hong cih leh,

Isaiah 41:29

En un, amaute khempeuh zuaupi vive ahi hi; amau’ nasepnate a mawkna ahi hi; a kisung amau’ milimte pen huih hawmpi ahi uh hi.

Isaiah 44:25

zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;

Jeremiah 27:10

Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Jeremiah 27:14

Babilon kumpipa’ na sem kei un, ci-a note’ kiang-a hong gen kamsangte’ thu gennate um kei un. Bang hang hiam cih leh note kiang-a hong gen uh thu in zuauthu ahi hi.