Zekhariah 10:12 - Tedim Bible

¹² Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Tedim Bible Revision 2017

¹² Ka mite ka thahatsak dinga, amaute in kei hong bia-in ka thu hong mang ding uh hi, Topa in ci hi.

Zekhariah 10:12 Referans Kwoze

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Kolose 2:6

Tua ahih ciangin Khazih Zeisu, Topa-a na san’ khit uh ciangin tua Topa sungah gamta-in, zung kha-in, kilamin omin, kihilhna na ngah khit uh mah bangin upna-ah kipin, hehpihna phatna tawh upna khangin kicingin om un.

Filippi 4:13

Hong thahatsakpa Khazih hangin na khempeuh ka hih thei hi.

Isaiah 45:24

“Topa’ hang bekin dikna leh thahatna kingah hi, hong kici ding hi; kei hong mudahte khempeuh mindai-in maizum ding uh hi.

Piancilna 24:40

Ahih hangin amah in kei' tungah, ‘A thu ka man’ Topa in nang tawh a vantungmi hong sawlin na lampi hong vangsak ding hi; nang in ka behte leh ka pa’ inn panin ka tapa’ ading zi khat na la ding hi;

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Zekhariah 12:5

Tua ciangin Judah minamte in, ‘Jerusalem-a a teeng mite, Vanglianpen Topa ahi amau’ Pasian’ hangin thahat uh hi,’ ci ding uh hi.

Piancilna 5:24

Enok in Pasian tawh lam paikhawm hi; Enok kimu nawn lo hi, bang hang hiam cih leh Pasian in amah la hi.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

Ezekiel 30:24

Tua ciangin Babilon kumpipa’ khut ka khauhsak ding a, ama khut sungah ka namsau ka pia ding hi. Ahi zongin Izipt kumpipa Faro’ khut ka kuaihtansak ding a, a langte’ mai-ah tai-in si ding hi.