Zekhariah 10:11 - Tedim Bible

¹¹ Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Tedim Bible Revision 2017

¹¹ Amaute in lungkhamna tuipi a phutkhak uh ciangin keimah in tuihualte ka vatmai dinga, Nail gun tui thukte kangcip ding hi. Assiria mite ka niamkhiat dinga, Egypt in a vangliatna taan ding hi.

Zekhariah 10:11 Referans Kwoze

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Zefaniah 2:13

Topa in leilu lamah a khut hong zanin, Assiria gam susia ding a, Nineveh khuapi susia gawpin, sehnel gamlak suaksak ding hi.

Isaiah 51:10

Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Isaiah 14:25

Keimah in ka gam sungah Assiria mi ka susia ding a, ka mual tungah ka sikcip ding hi; ka mite’ tung panin Assiriate hakkol, amaute’ liangko panin Assiriate’ vangik kia khia ding hi,” a ci hi.

Late 114:5

Tuipi aw, na taikhiat nading, Jordan gun aw, na nungkik nading,

Late 114:3

Tuipi in mu-in taikhia a, Jordan gun a nung kik hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

2 KUMPI NIHNATE 2:14

Tua ciangin amah in ama tung panin a kiakhia Elijah’ puan la-in tui sat a, “Elijah’ Pasian, Topa koi-ah om na hi hiam?” a ci hi. Amah in tui a sat khit ciangin a pang khat leh a pang lang khatah a tui kikhen hi; tua ciangin Elisha pai-in galkah hi.

2 KUMPI NIHNATE 2:8

Tua ciangin Elijah in a puantualpi suahin zial a, tua tawh a tui sat hi; lei keu tungah amaute gel a pai theih matengin a pang khat leh a pang lang khatah a tui kikhen hi.

Isaiah 51:9

Khanglo in, Khanglo in, thakhauh in, Topa’ khut aw; khang sawtpi, hun lui lai-a bangin na vangliatna zangin hong huh in. Rahab a satzan gawppa, gulpi a sunpa nangmah hilo na hi hiam?

Piancilna 8:1

Ahih hangin Pasian in Noah leh amah tawh teembaw sungah a om gamsate leh innsate khempeuh phawk hi. Pasian in leitungah huih nungsak a, tui kiam hi;

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Isaiah 44:27

tui thukpi kiangah, ‘Keu in, na gunte ka keusak ding hi’;