Zekhariah 1:8 - Tedim Bible

⁸ Topa’ vantungmi khat, sakol san khat tungah a tuang ka mu hi. Kuam sunga om mui singkungte lakah amah khawl a, ama nungah sakol dang a san, a gial, a kang om hi.

Tedim Bible Revision 2017

⁸ Topaʼ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

Zekhariah 1:8 Referans Kwoze

Mangmuhna 6:4

A san ahi sakol dang khat hong pusuak hi. Tua sakol tung tuang mi in leitung pan nopsakna lakkhiat theihna thu leh leitung mi khat leh khat kithahsak theihna thu a pia hi. Amah namsau saupi khat zong a kipia hi.

Mangmuhna 2:1

“Efesa khua-ah a om pawlpi’ vantungmi kiangah hih bangin gelh in. ‘A khut taklamah aksi sagih tawi-in, kham meivak sagih laizangah a pai kawikawipa’ thupiakna in:

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Isaiah 41:19

Gam lakah taamtaak sing, singkha sing, mui sing leh oliv kungte ka posak ding hi; sehnel gam sungah taaksan sing, hiangpa sing leh taak sing ka suankhawm ding hi;

Daniel 7:13

Zan ka mangmuh hun sungin ka khuadak leh mihing tapa tawh a kibang mi khat meii tunga hong pai ka mu hi. A nungta tawnung mipa’ kiangah pai-in, ama kiangah a kipia hi.

Daniel 7:2

Vantung kui li panin huihpi hong nunga tuipi tung a seem gawp hi.

Daniel 2:19

Tua ciangin tua zanin tua thu thukpi mangmuhna tawh Daniel’ tungah kihilh a, amah in vantung Pasian’ min a phat hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

JOB (Job) 4:13

Mi a ihsip hun zankim laitak, zan mangmat hun lai takin,

1 KUMPI MASATE 3:5

Gibeon ah zanin a mang sungah Solomon tungah Topa kilang hi; Pasian in, “Nang kong piak ding hong ngen in,” a ci hi.

Joshua 5:13

Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

Piancilna 20:3

Ahih hangin zan-in mang sungah Abimelek kiangah Pasian pai a, ama' kiangah, “En in, na laksa numei’ hangin nang in a si ding na hi hi; bang hang hiam cih leh amah in mi khat’ zi ahi hi,” ci hi.

Solomon la 6:2

Ka ngaihno, paaknamtui kung a pona, a huan sungah pai hi. A huan sungah a tuu cing a, unok paakte a lo hi.

Solomon la 2:16

Ka ngaihno in keima aa hi; kei in ama aa hi’ng. Amah in unok paakte lakah a tuu cing a,

Mangmuhna 6:2

ka et ciangin sakol kang khat ka mu hi! Tua sakol tung tuang mi in thal a tawi hi. Tua mi kumpilukhu khat a kipia hi. Amah in zong zoin ahi zongin, zawh nadingin ahi zongin a pusuak hi.

Zekhariah 1:7

Darias in a uk a kum nihna kum, kha sawm leh kha khatna ahi Shebat kha ni sawmnih leh ni li ni-in Topa in kei tungah thu hong gen a, zanin mang hong musak hi.

Zekhariah 1:10

Hih sakol tung tuangte pai kawikawi-in leitung a en dingin Topa in a sawl ahi hi,” hong ci hi.

Zekhariah 1:11

Tua ciangin mui kung lakah a khawl Topa’ vantungmite kiangah amaute in, “Leitung khempeuh ka en kawikawi khin uh a, leitung khempeuh khua phawk loin nuam takin om uh hi,” ci-in thu zasak uh hi.

Piancilna 46:2

Pasian in Israel tungah zan-in thu gen a, “Jakob, Jakob,” ci hi. Amah in, “Hiah om ing,” ci hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.