Zekhariah 1:7 - Tedim Bible

⁷ Darias in a uk a kum nihna kum, kha sawm leh kha khatna ahi Shebat kha ni sawmnih leh ni li ni-in Topa in kei tungah thu hong gen a, zanin mang hong musak hi.

Tedim Bible Revision 2017

⁷ Darias in a uk a kum nihna kum, kha sawm le khatna ahi Shebat kha ni sawm nih le ni li ni-in Topa in kei tungah thu hong gen a, zanin maang hong musak hi.

Zekhariah 1:7 Referans Kwoze

Zekhariah 1:1

Persia gam uk Kumpipa Darias in a uk a kum nihna kum, a kha giatna sungin, Topa in kamsang Zekhariah tungah thu gen hi. (Zekhariah in Berekhiah’ tapa hi a, ama pu in Iddo ahi hi.)

Mattiu 23:35

Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Zekhariah 1:8

Topa’ vantungmi khat, sakol san khat tungah a tuang ka mu hi. Kuam sunga om mui singkungte lakah amah khawl a, ama nungah sakol dang a san, a gial, a kang om hi.