Zekhariah 1:19 - Tedim Bible

¹⁹ Bang a cih nopna ahi hiam, ci-in vantungmi kiangah ka dong hi. Amah in hong dawng a, “Judah mite, Israel mite, leh Jerusalem mite a theihthang gawp leitung vangliatnate saki a cih nopna hi,” hong ci hi.

Tedim Bible Revision 2017

¹⁹ Bang a cihnopna ahi hiam, ci-in vantungmi kiangah ka dong hi. Amah in hong dawng a, “Judah mite le Jerusalem mite a thehthang gawp leitung vangliatnate a cihnopna ahi hi,” hong ci hi.

Zekhariah 1:19 Referans Kwoze

Zekhariah 8:14

“Na pu na pate un kei hong hehsak ciangin amaute tungah siatna tun’sak ding ka ngaihsun a, ka lungsim ka khiam het kei hi.

Zekhariah 2:2

“Koi-a pai ding na hi hiam?” ci-in ka dong a, amah in “Jerusalem khuapi a sauna leh a zaina ka theih nadingin a teh dingin a pai ding ka hi hi,” hong ci hi.

Zekhariah 1:21

Hih mite a bang hih ding ahi hiam, ci-in ka dong hi. Amah in hong dawng a, “Hih saki lite in Judah mite thehthang gawp a, a lang uhah kuamah pang ngam lo ahih manin, tu-in hih sek tawi lite in Judah gam sugawpin a mite a thehthang gawp minamte lau sakin a lawnthal ding ahi hi,” hong ci hi.

Zekhariah 1:9

Tua ciangin keimah in, “Sia aw, hih sakolte bang a cih nopna ahi hiam?” ci-in ka dong hi. Vantungmi in hong dawng a, “Bang a cih nopna hiam cih kong lak ding hi.

Ezra 4:4

Tua ciangin tua gam a, midang teengte in Judah mite lungkia sakin inn a lam lai ding uh lausak uh hi;

Ezra 4:1

Salsuahna panin a hong ciahkik mite in Israel Pasian Topa adingin biakinn khat a lamna thu Judah leh Benjamin mite’ galte in a zak uh ciangin,

Ezra 4:7

Tua ciangin Persia kumpi Artakzaksis hun ciangin Mithredath, Tabeel leh a lawmte uh thukimna tawh kumpipa tungah laigelh uh a, a lai pen Aram lai-in kigelh a, Aram pau mahin kisim khia hi.

Habakkuk 3:14

Mi cimawhte, mun simtham ah a sugawpte bangin, kote hong suthang dingin huihpi bangin hong pai laitakin, na thal tawh, a galkapmangpa na kaplet hi.

Amos 6:13

Lodebar khua bang lel na lak zawhna uhah na lungdam uh a, “Eima thahatna tawh Karnaim khua i la zo hi,” na ci uh hi.

Daniel 12:7

Puanpaak silhpa in a khut tegel vantung lamah lamto kawm sa-in, A tawntung Pasian’ min tawh thuciamna a bawl hi. Amah in, “Kum thum leh a lang ahi ding hi. Pasian’ mite kibawlsiatna a bei ciangin hih thute khempeuh a hong piang ding hi,” ci-in a gen ka za hi.

Ezra 5:3

Tua lai takin Eufrates Gungal gam sung teng a uk sawn Tattenai, Shetharbozenai, leh amau’ lawmte hong pai pahin amaute kiangah, “Note in hih inn lamkikin a nate na bawl nading uh kua in thu hong pia ahi hiam?” a ci uh hi.

1 KUMPI MASATE 22:11

Tua ciangin Khene-anah’ tapa Zedekiah in ama adingin sik kite bawl a, “Topa in hih bangin ci hi: ‘Amaute a kisuksiat matengin hihte tawh Siria mite na nawt ding hi,’ ci hi,” a ci hi.

Late 75:4

A kiphasakte tungah, “Kiphasak kei un,” a gilote tungah, kihisak kei un;

Late 75:5

kihisak kei un la, kiphatsakna tawh kam pau kei un,” ka ci hi.

Jeremiah 48:25

Topa in kong cih-inah, Moab gam’ hatna teng bei khin ta hi. A ki ki-at tansak a, a ban kikuaihtansak hi.

Daniel 7:16

Ka pam-a ding mite khat kiangah pai-in hihte khempeuh a khiatna hong hilh in ci-in ka dong hi. Tua ciangin amah in a khiatna a hong hilh hi.

Zekhariah 1:18

Ka khuadak leh saki li ka mu hi.