Zekhariah 1:16 - Tedim Bible

¹⁶ Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.

Tedim Bible Revision 2017

¹⁶ Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilamkik dinga, khuapi kulh zong kiciangkik ding hi, Vanglian Topa in ci hi, ci-in gen in,” hong ci hi.

Zekhariah 1:16 Referans Kwoze

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong zo ding hi. Tua ciangin ka mite in, amaute kiangah nang kong sawlna thu thei ding uh hi.

Ezekiel 47:3

A mipa in a tehna piciang tawi-in a tui luan’na nisuahna lam tong tul khat ciang dong teh suk a, a tui kei hong ngaptan sak hi. A tui pen siakmit ciang bek thuk hi.

Ezekiel 40:3

Amah in tua khuapi nai-ah hong paipih a, sumngo bangin a tee mi khat ka mu hi. Tua mipa in pikhau khat leh piciang khat tawi a, kongpi gei-ah ding hi.

JOB (Job) 38:5

Bang cia-in golsak ding cih kua in seh ahi hiam? Kua in a gol nading zah khau kai ahi hiam? Hihte khempeuh thei kisa na hi hiam?

Haggai 1:14

Tua hi a, Topa in Judah gam ukpa Zerubbabel, siampi lianpa Jehozadak’ tapa Joshua leh salsuahna panin a hong ciahkik mi khempeuh’ sungah biakinn lam nopna lungsim a guan hi. Topa, amau’ Pasian’ biakinn lam dingin hong kithawi uh a,

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Isaiah 34:11

Ahih hangin gamlak simbu leh leh a ham zalzal simbu in, gamsung teng luah ding uh a, simbupi leh muu om ding uh hi. Pasian in Edom gam tungah buaina a khaukhai khai sukin kisiatna khaukhai sikbawk khia ding hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Zekhariah 2:4

Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”