Zekhariah 1:15 - Tedim Bible

¹⁵ Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

Tedim Bible Revision 2017

¹⁵ Tua bangin nuam takin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka miteʼ gimna nasiasak semsem uh hi.

Zekhariah 1:15 Referans Kwoze

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Isaiah 54:8

Heh luatna hangin tomno sung nang kiang panin ka maitang ka seel a, ahih hangin tawntung itna tawh nang tungah hehpihna kong nei kik ding hi, nangmah hong Tankhia Topa in ci hi.

Zekhariah 1:11

Tua ciangin mui kung lakah a khawl Topa’ vantungmite kiangah amaute in, “Leitung khempeuh ka en kawikawi khin uh a, leitung khempeuh khua phawk loin nuam takin om uh hi,” ci-in thu zasak uh hi.

Zekhariah 1:2

Topa in Zekhariah kiangah, “Mite tungah hih bangin thu gen in la, ‘Na pu na pate uh tungah Topa ahi keimah ka heh mahmah hi.

Late 69:26

Bang hang hiam cih leh nangmah in na satgawp mi amaute in bawlsia uh a, nangmah in na liamsaksa mi amaute in gimsak sawnsawn uh hi.

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Ezekiel 26:2

“Ezekiel aw, Tai-ar khuapi mite awngin hih bangin kiko uh hi. Amaute in, ‘Sum bawlna lam-a i kidempih Jerusalem khuapi zancip gawp hi. A kulhpite tu-in kihong keek a, amaute’ guallelhna tu-in eima hauhna suak ding hi,’ ci uh hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Late 123:4

A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.

Zekhariah 6:8

Tua ciangin vantungmi in kei hong otsan a, “Leilu lam Babilon gamah a paite in Topa’ hehna damsak hi,” hong ci hi.

JOB (Job) 30:13

Ka suahtak theih nading lampi khaktan uh a, keimah suksiat ding hanciam uh hi; amaute a kho ding kuamah om lo hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Jeremiah 50:33

“A vanglian Topa in kong gen-inah: Israel mite leh Judah mite in netniamna a thuak uh a, sal ding-a a paipih mite in lencip-in a ciahsak kik nawn kei uh hi.

Habakkuk 3:12

A hehsa-in leitungah na pai a, a sinsosa-in minamte na tuancil hi.

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.