Zefaniah 3:6 - Tedim Bible

⁶ Topa in hih bangin thu gen a, “A kiphasak mite ka nilkhia a, a gal panmunte uh ka susia hi. A kongzing lampite uh ka kinusiacip sak a, kuamah in tua lampi tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Tedim Bible Revision 2017

⁶ Topa in hih bangin thu gen a, “A kiphasak mite ka nil khia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Zefaniah 3:6 Referans Kwoze

1 KORIN MASA 10:6

Amaute in a hoih lote a deihgawh uh bangin i deihgawh loh nadingin hih thute in eite adingin lim kilahna ahi hi.

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

Zefaniah 2:5

Tuipi gei-a gual teen, no Filistia gam mite aw, gimna na ngah ding uh hi. Filistia mite’ ten’na Kanaan leitang aw, Topa in nang tungah thu hong khen zo hi. Mi khempeuh a bei mang dongin, hong susia ding hi.

Zekhariah 7:14

Tua ahih manin Topa in “Huihpi’ mut khiat bangin amaute thehthang gawpin, a theih ngei lohna uh gam dangah amaute teeng ding uh hi. Amau’ nusiat leitang hoih in zong gamkhing suak ding a, a sungah kuamah om nawn loin daicip ding hi,” a ci hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Mattiu 23:38

En un, na inn uh mi omlo gam simthamin kinusia ding hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Isaiah 14:26

Hih ngimna pen leitung buppi’ adinga a kingim ahi hi, hih ka khut pen minam khempeuh daanpiak nadingin a kizan ahi hi.

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Joshua 23:4

En un, Jordan panin nitumna lam-a Tuipi Lian dong, a om lai minamte pen ka phiat khiatsa minamte tawh na minamte uh gamh dingin note tungah kong pia khin hi.