Zefaniah 3:20 - Tedim Bible

²⁰ Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Tedim Bible Revision 2017

²⁰ Tua hun ciangin, a kithehthang na mite uh kong kaikhawm dinga, leitung mi khempeuh in note hong phat ding uh hi. A tawpna ah note na citheikik ding uh hi,” Topa in ci hi, a ci hi.

Zefaniah 3:20 Referans Kwoze

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Malakhi 3:12

Tua ciangin na gam uh, ten’ nadingin a hoih mahmah leitang hong suak ding ahih manin, minam dang khempeuh in note pen a nuamsa minam, hong ci ding uh hi,” Vanglianpen Pasian in a ci hi.

Isaiah 56:5

ka innsung leh ka huang sungah tapa leh tanute sangin a hoihzaw phawkna leh min ka pia ding a, a mang ngei nawn lo ding tawntung min, amaute tungah ka pia ding hi.

Zefaniah 3:19

En un, tua hun ciangin no hong bawlsiate, daan ka pia ding a, a khebaite honkhia-in, a kipaikhiatpih mite ka ciahpih ding hi. Amau’ maizumna, minthan’na ka suaksak ding a, mi khempeuh in amaute phat ding uh hi.

Amos 9:14

Ka mi Israelte, amaute’ gam ka tun’ kik ding a, a kisia a khuapite uh lampha kikin, a sungah teeng ding uh hi. Amaute in leenggui suanin, a zu dawn ding uh a, huan bawlin, a sunga piangte ne ding uh hi.

Joel 3:1

“Tua hun ciangin Judah leh Jerusalem, a nidang hun uh ka bangsak kik ding hi.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Isaiah 60:15

Hong kinusia, hong kimudah, kuama hong nawk loh nang pen, a tawntungin kisak theihna leh khang khat pan khang khat lungdamna ahi dingin kong bawl ding hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Ezekiel 39:28

Tua ciangin, minam dangte khut sungah sal-in amaute puakin, tua khit ciangin amaute khat zong siit loin kaikhawm kikin a gam sung uh ka tun’pih kimna hangin amaute Topa Pasian ka hihna thu, keima mite in hong thei ding uh hi.

Ezekiel 37:21

amaute kiangah, Topa Pasian in hih bangin ci hi, ci-in gen in: Amaute’ omna minam dangte lak panin Israel mite la-in ka kaikhawm ding a, amaute’ gamah ka paipih kik ding hi.

Ezekiel 28:25

Topa Pasian in kei kiangah, “Minam tuamtuamte lak-a ka thehthangna panin Israel mite ka kaikhawm kik ding a, keimah in a siangthopa ka hihna thu minam khempeuh in thei ding uh hi. Tua ciangin ka nasempa Jakob ka piak leitang ahi, amaute’ gam sungah Israel mite teeng ding uh hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Isaiah 61:9

Amau suan leh khakte pen minamte lakah kithei ding a, amau tu-le-tate pen mite laizang ah kithei ding hi; amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Late 35:6

Topa’ vantungmi’ delhna-ah a taina lampi uh mial-in nal sak in.

Ezekiel 37:12

Tua ahih ciangin ka mi Israelte tungah thu gen in la, Topa Pasian in hih bang ci hi, ci-in gen in: Ka mite aw, tu-in note’ hankhuk kong hon’sak ding a, note hong paikhiatpihin, Israel gam kong tun’pih kik ding hi.

Isaiah 62:12

Amaute pen A siangtho mi, Topa’ tatkhiat mite kici ding a, nang pen a Kizongkhia, a kinusia lo khuapi hong kici ding hi.

Ezekiel 16:53

“Ahi zongin, Sodom leh a khuaneute, leh Samaria leh a khuaneute a cithei-in ka bawl kik ding hi. Tua mah bangin nang Jerusalem zong kong citheisak kik ding hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Thu-hilhkikna 26:18

tu ni-in Topa in note pen amah in note tungah hong ciamsa bangin ama neih ding a manpha mi na hihna uh, leh note in ama thupiaknate khempeuh na zuih nading uh,

Thu-hilhkikna 26:19

ama bawlsa minamte khempeuh sangin phatna leh minthan’na leh pahtawina ah lianzaw-in hong koih nading, leh ama gensa mah bangin Topa note’ Pasian adingin a siangtho mi na hih nading uh hong gen khin hi,” a ci hi.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Ezekiel 39:13

Gam sunga om mi khempeuh in misi vuina-ah huh ding uh a, tua bangin a huhna hangun ka gualzawh ni-in pahtawina ngah ding uh hi. Topa Pasian keimah in hih thu ka gen khin hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Zekhariah 8:13

A beisa hun-ah, Judah gam mite leh Israel gam mite pen, minam dangte in hamsiatna kamin zang uh a, ‘Judah leh Israelte thuak bangin thuak un,’ kici uh hi. Ahi zongin note kong honkhia ding a, tu-in midangte in, ‘Judah leh Israel bangin thupha ngah un,’ ci-in thupha piakna-in kinei ding uh hi. Tua ahih manin na lungsim uh hangsak un la lau kei un.