Zefaniah 3:15 - Tedim Bible

¹⁵ Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.

Tedim Bible Revision 2017

¹⁵ Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Zefaniah 3:15 Referans Kwoze

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Zefaniah 3:5

Ahi zongin tua khuapi sungah Topa om a, a thuman na bek semin, a khial-in gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna meel thei thei lo uh hi.

Amos 9:15

Amau adingin ka piak gam sungah amaute ka koih kik ding a, tua ka piaksa gam panin kuamah in amaute lakhia kik nawn lo ding hi, Topa, note’ Pasian in ci hi, a ci hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Zekhariah 14:11

Tua khuapi sungah lungmuang takin mi teeng ding uh a, lauhuaina tuak kha nawn lo ding uh hi.

Zekhariah 12:3

Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.

Isaiah 60:18

Na gam sungah ngongtatna kiza nawn lo ding a, na gam sungah siatmai-na leh suksiatna om nawn lo ding hi; nangmah in na kulhte pen Hotkhiatna, na kulh kongpite pen Phatna, na ci ding hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Late 85:3

Na hehna khempeuh na damsak a, na sin so-na na daisak hi.

Mangmuhna 12:10

Vantung pan nakpi aw khat in: “Tu-in eite Pasian’ gupna-a kipan vangliatna, gam leh ama Khazih’ ukna aana a hong tung zo hi. Bang hang hiam i cih leh, i ute i naute, i Pasian mai-ah sun tawh zan tawh a mawhsak mi in khiatsukna a thuak zo hi.

Mangmuhna 7:15

Tua ahih ciangin amaute in Pasian’ tokhom mai-ah omin ama biakinnpi sungah sun tawh zan tawh ama’ na a sem uh hi. Tokhom tungah tu-in a om mi in amau tungah a buk zal-in a lam ding hi.

Johan 19:19

Pilat in laigelh a, singlamteh tungah a suang hi. Tua lai in, “JUDAHTE’ KUMPIPA, NAZARETH KHUAMI ZEISU AHI HI,” ci-in a kigelh hi.

Johan 12:15

“Zion’ tanu aw, lau kei in; En in, na Kumpipa in, Lano tungah tuangin hong pai ding hi.” a ci hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Joel 3:17

Tua ciangin Israelte aw, ka mual siangtho Zion tungah a teeng keimah in, Topa, note’ Pasian ka hihna na thei ding uh hi. Jerusalem in a siangtho biakna khuapi hi ding a, gamdang mite in zo kik ngei nawn lo ding uh hi.

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Isaiah 65:19

Jerusalem’ hangin ka lungdam ding a, ka mite hangin ka kipak ding hi; tua khua sungah kahna aw leh cimawh a, kikona aw om nawn lo ding hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Piancilna 30:23

Amah gai-in tapa khata nei a, “Pasian in kei hong kikona teng lakhia khin ta hi,” ci hi;

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Habakkuk 2:8

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Late 19:9

Topa a kizahtakna in siang a, kip tawntung hi; Topa’ ngeina kipte thuman a, a vekpi-in kituak takin man kim hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Ezekiel 35:10

“Keimah in Israel leh Judah mite’ Topa Pasian hi napi-in, hih minam nihte nangma’ aa in, ngaihsunin a luah dingin na kigen hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Ezekiel 36:15

Minam dangte’ hong ko bawlna za nawn loin, a hong mindaisakna uh na thuak nawn kei ding uh a, na sung uh a, teeng mite’ tate zong, no Israel mual tung gamte in na laksak nawn kei ding uh hi. Topa Pasian in hih thu ka gen khin hi,” hong ci hi.