Zefaniah 3:14 - Tedim Bible

¹⁴ Zion’ tanu aw, nakpi takin la sa in la, Israel aw, lungdamin kiko in, Jerusalem tanu aw, na lungsim khempeuh tawh lungdam in.

Tedim Bible Revision 2017

¹⁴ Zion tanu aw, nakpi takin la sa inla, Israel aw, lungdamin kiko in. Jerusalem tanu aw, na lungsim khempeuh tawh lungdam in.

Zefaniah 3:14 Referans Kwoze

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Micah 4:8

Pasian in a mite a etna Jerusalem khuapi aw, nidang a, na vangliatna ngah kikin, kumpi khuapi na suak kik ding hi.

Isaiah 54:1

Ta a suak lo a ciing numei aw, lasa in; nausuak natna a thuak ngei lo mi aw, lasa khia in la, lungdamna tawh kiko in! Bang hang hiam cih leh a kinusia nu’ tate pen a kiten’pih nu’ tate sangin tamzaw ding hi, Topa in ci hi.

Isaiah 51:11

Topa tatsa mi a kithehthangte hong ciahkik ding a, lasakna tawh Zion ah hong pai ding uh hi; amaute, lungdam tawntung ding uh a, amaute in lungdamna leh kipakna ngahin dahna leh khuisatna nei nawn lo ding uh hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Late 14:7

Zion panin Israelte’ ading hotkhiatna hong tung taleh maw! Topa in ama mite’ nopsakna a piak kik ciangin, Jakob nuamin Israel kipak ding hi.

Nehemiah 12:43

Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Jeremiah 31:13

Tua ciangin nungakte laam-in a lungdam ding uh a, tangvalte leh papite zong a nuam ding uh hi. Amaute’ kahnate lungdamna ka suaksak ding a, hehpihin a dahnate uh kipahna ka suaksak ding hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Late 97:8

Pasian aw, Zion in za-in nuam a, nangma thukhennate hangin Judah khuapite lungdam uh hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Isaiah 40:1

Ka mite hehnem un, hehnem un, na Pasian un ci hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Joel 2:23

“Zion mite aw, kipak un la, Topa, na Pasian uh tungah lungdam un. Note in an na hauh theih nadingun, ni danga bangin khuapi guah, tuk guah leh phalbi guah, a hoih bek hong zusak hi.