Zefaniah 3:13 - Tedim Bible

¹³ Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Tedim Bible Revision 2017

¹³ Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Zefaniah 3:13 Referans Kwoze

Mangmuhna 14:5

Amaute’ kam sung uhah zuau thu a om kei hi. Amaute in mawhsak nading a om lo mi ahi uh hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Micah 4:4

A kuamah peuh lungnuamin, a leenggui phung leh a theikung nuai-ah ta hithiat ding a, kuamah in patausak nawn lo ding hi. Bang hang hiam cih leh Topa’ kam mahmah in hih thu gen khin ta hi.

Isaiah 17:2

Ama khuapite ahi Aroer kinusiacip paisuak ding hi; tuuhonte’ omna ding suak ding a, amaute lum hithiatin bangmah in lausak lo ding hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Joel 3:17

Tua ciangin Israelte aw, ka mual siangtho Zion tungah a teeng keimah in, Topa, note’ Pasian ka hihna na thei ding uh hi. Jerusalem in a siangtho biakna khuapi hi ding a, gamdang mite in zo kik ngei nawn lo ding uh hi.

Ezekiel 39:26

Amaute gam sungah kuamah in su loin lungmuangin a om kik uh hun ciangin, kei hong lehbawlnate uh leh a mindainate uh mangngilh thei ta ding uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.

Kolose 3:9

Khat leh khat zuauthu kigen kei un. Bang hang hiam na cih uh leh, note in mi lui gamtatna leh mi lui pum suahkhia-in, a hong piangsakpa’ lim bangin, pilna maan adingin a kibawlpha mithak a sillh mi na hi uh hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” ci hi. Tua ahih manin a lungkhamna panun amaute a honkhia suak hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Late 23:2

Lo nona-ah keimah hong lumsak a, tui kiangah kei hong paipih hi.

Siampi Laibu 26:6

Keimah in gam sungah nopsakna hong pia-in, note lungdam takin na lum ding uh a, bangmah in note hong lausak lo ding hi; keimah in gam sung panin ganhing gilote ka hawlkhia ding a, gal kidona in na gam uh hong nawk lo ding hi.

JOB (Job) 11:19

Kuamah kihtak nei loin nuam takin na om ding a, mi tampi in nangma maipha hong zong ding uh hi.

Late 120:2

Topa aw, mizuaute leh mikhemte kiang panin kei hong honkhia in.”

Late 120:3

Mikhem theite aw, note’ tungah bang hong kipia ding a, note’ tungah bang hong kihih lai ding ahi hiam?

Zefaniah 3:5

Ahi zongin tua khuapi sungah Topa om a, a thuman na bek semin, a khial-in gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna meel thei thei lo uh hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.

Zekhariah 8:12

Lungnuam takin lo kho sing pua-in nuamsa ding uh hi. Leengguite gah pha-in, lo-ah an tampi piang-in, guah tampi zu ding a, a suakta lai ka minamte tungah hih bang thupha khempeuh ka tungsak ding hi.