Zefaniah 3:12 - Tedim Bible

¹² Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.

Tedim Bible Revision 2017

¹² Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.

Zefaniah 3:12 Referans Kwoze

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Nahum 1:7

Topa hoih hi; lungkham hunin a mite huh a, amah a bel mite lim takin kem hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

ROM (Romans) 15:12

Kamsangpa Isaiah in: “Jessi bul meeng in Gentailte a uk ding mi ahi ding hi. Gentailte in amah a muang ding uh hi,” a ci hi.

Mattiu 12:21

Ama min zong Gentailte in a muang ding uh hi,” a ci hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giugiau uh a, hih banga ka gamtatna panin Topa’ thugen ahih lam phawk uh hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Isaiah 14:30

Mizawngte in keima gan khahna sungah an ne ding a, a cimawhte lungmuang takin lum hit-hiat ding hi; ahih hangin no Filistia mite, kialpi tawh kong that ding a, a suakta kha a omte laite keimah in ka that ding hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.

Ezra 9:8

Ahi zongin tu-in Topa ka Pasian un tomkha sung kote hong hehpih a, a suakta pawlkhat hong omsakin ama mun siangtho ah siksan ding mun hong pia hi. Amah in ka mit uh hong vaak sak kikin ka salsuahna uhah ka nuntakna uh ka thak pat theih nading uh kalsuan cilna hong pia hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Jeremiah 17:7

“Topa muangin, Topa a beel mi in thupha a ngah hi.

Jeremiah 50:20

Tua ni tua hun ciangin, Topa in kong cih-inah, Israel gamah khialhna kizong ding a, kimu lo ding hi. Judah gamah mawhna kizong ding a, kimu lo ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi,”

Ezekiel 6:8

“Tua banga kihon thahna panin pawlkhat ka suakta sak ding a, minam dangte lakah thehthangin,

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.