Zefaniah 3:10 - Tedim Bible

¹⁰ A gamlapi Ethiopia gam peka om, a kithehthang ka mite nangawn in biakna hong puak ding uh hi.

Tedim Bible Revision 2017

¹⁰ A gamlapi Ethiopia gam pekah a om, a kithehthang ka mite nangawn in biakna hong puak ding uh hi.

Zefaniah 3:10 Referans Kwoze

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Late 68:31

Izipt gam panin sumngo lakhiasak in la, Pasian tungah thungetna-in Ethiopia gam a khut zansak mengmeng in.

Isaiah 18:1

Ah, Ethiopia gunte’ gal a, puankhai gunkuangpi a omna gamte in gim ngah hen! Nail tawnin tui tungah pumpeng laisah tawh kibawl gunkuangpite tungah tuangin tangmi hong sawl hi. No a zaptel kamtaite aw, amau’ gam gunpi in a phelkhap, a vanglian a gualzo minam, a nai a gamla ah a kikihta mite, a tun sang mi, a ci nel minamte kiangah va pai un.

1 PETER MASA 1:1

Zeisu Khazih’ sawltak keimah Piter in thungaihna leh Zeisu Khazih’ sisan tawh thehna a ngah nading Kha Siangtho in a sian’thosak a,

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

Sawltak 24:17

Tu-in kum sawtpi khit ciangin keima pawlte hehpihna leh lungdamna letsong pia dingin kong pai hi.

Sawltak 8:27

Tua lai takin Ethiopia gam a uk Kandake kumpinu nuai-ah a vanglian, a vaihawm mang, ama sum khempeuh a uk, Ethiopia mi khat in Pasian bia dingin Jerusalem khua-ah a pai khit ciangin,

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Isaiah 18:7

Tua hun ciangin, amau’ gam gunpi in a phelkhap, a vanglian a gualzo minam, a nai a gamla ah a kikihta mite, a tun sang mi, a ci nel mite kiang panin, Vanglianpen Topa’ min omna mun Zion Mual, Vanglianpen Topa’ tungah letsong hong kipuak ding hi.

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.