Zefaniah 2:15 - Tedim Bible

¹⁵ A vangliatna a kisak theihpih, lungmuang taka om khuapi tungah, tu-a bangin piang ding hi. Leitungah amau’ khuapi a lianpenin ngaihsun uh hi. Tua hi napi-in gamlak suakin, gamsate’ omna suak ta hi. A mu mi khempeuh in lamdang sa-in ciksa ding uh hi.

Tedim Bible Revision 2017

¹⁵ A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Zefaniah 2:15 Referans Kwoze

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Nahum 3:19

Na liammate a dam theihna ding om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beng ding hi. Bang hang hiam cih leh na gitlohna a thuak kha lo kuamah om lo hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Kah la 2:15

Tua khuapi siatna a mu peuh in awi-in khut a betsan uh hi. A kisia Jerusalem a muh uh ciangin awi-in, a lu uh pei-in a nuihsan uh hi. “Khuapi it huai i cih hih maw, leitung bup kisak theihpih hih khua maw?” ci-in a nui uh hi.

Kah la 1:1

Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Jeremiah 19:8

Hih khuapi a mulkimhuai leh a simmawh huai ka suak sak ding a, a kantan mi khempeuh in khuapi kisiatna hangin lamdang sa-in zahpih-in a phitsan ding uh hi.

Mattiu 27:39

Lampi-ah a pai mite in, “Biakna innpi susia a ni thum sunga a lam kik theipa aw, nangma pumpi na kigum in.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Ezekiel 27:36

Nang a maimang paisuak na hita a, nangma tuah bang a tuah khak ding uh, leitung a om sumbuk dang khempeuh, lau-in liing uh hi,” hong ci hi.

Kah la 2:1

Topa in a heh manin khuamial tawh Jerusalem a tuamcip hi. A vantung minthan’na teng uh kisiatna a suaksak hi. Amah in a heh ni-in a Biakinnpi nangawn a susia hi.

Isaiah 32:9

Nuam tak-a a om hithiat numeite aw, tho un la, ka aw za un; nomau tum tak-a a lungmuang tanute aw, ka thugenna na ngai un.

JOB (Job) 27:23

Amaute a tai lai takun huih in nawk gawpin, a susia dingin mutgawp hi.

JOB (Job) 16:4

Note leh kei kikheek thei hi lehang, note’ gen khempeuh kei zong ka gen thei ding hi. Note ka lu hong pei sanin, thu tampi tak mah kong gen thei ding hi.

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Isaiah 32:14

Munmuanhuaite kinusia-in, mi tampi a omna kumpi khuapi kilawi ding hi. Mual leh tausangte zong kisia gawp ding a, late leh tuuhonte in gamtatna munin nei ding uh hi.

Jeremiah 18:16

Amau’ gam uh a mulkimhuai leh simmawhna tawh a kiphitsan den ding gam a suaksak uh hi. A kantan mi khempeuh a mulkim uh a, lamdang sa-in a lu uh a pei uh hi.

Isaiah 47:10

Na gitlohna ah nang na lung muang a, “Kuamah in kei hong mu lo hi,” na ci hi; na pilna lehna theihnate in lam hong pialsak a, na lungsim sungah, “Keimah hi’ng, kei sim loh midang om kei,” na ci hi.

Jeremiah 50:13

Topa’ hehna hangin kuamah teeng lo ding a, gamlakpi a suak ding hi. Babilon khua a kantan khempeuh in lamdang sa-in khuapi siatna hangin zahko-in a phit san ding uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Habakkuk 1:7

Amaute, lauhuai-in, kihtak-huai mahmah uh a, a gen khempeuh uh nial theih hi lo hi.