Zefaniah 2:13 - Tedim Bible

¹³ Topa in leilu lamah a khut hong zanin, Assiria gam susia ding a, Nineveh khuapi susia gawpin, sehnel gamlak suaksak ding hi.

Tedim Bible Revision 2017

¹³ Topa in leilu lamah a khut hong zanin Assiria gam susia dinga, Nineveh khuapi susia gawpin sehnel gam a suaksak ding hi.

Zefaniah 2:13 Referans Kwoze

Nahum 3:7

Nang hong mu khempeuh nungkik gaih-in, ‘Nineveh khuapi siacip ta hi; kua in khasiat ding hiam?’ ci ding uh hi. Ahi zongin nang hong hehnem nuam kuamah om lo ding hi,” ci hi.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Isaiah 10:16

Tua ahih ciangin Topa, Vanglianpen Topa in ama mi thahat galkapte lakah natna lianpi tungsak ding a, tua natna in amaute sungah meikuang bangin kuang niloh ding hi.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Nahum 3:15

tua bang na hih laitakin mei in hong kangtumin, galte in hong vatlum ding hi. Kauphe honpite in an a nek tum bangin, nang na beimang ding hi. Kauphe bangin tampitak na pha khin uh hi.

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Isaiah 14:26

Hih ngimna pen leitung buppi’ adinga a kingim ahi hi, hih ka khut pen minam khempeuh daanpiak nadingin a kizan ahi hi.

Isaiah 37:37

Tua ciangin Assiria kumpipa Sennakherib taikhia a, innah ciahin Nineveh khua-ah teeng hi.

Jeremiah 49:33

Hazor khua in se-alte’ teen’na a suak ding a, a tawntung-a a kisia den khua a suak ding hi. Kuamah teeng lo ding a, tawm vei beek zong a va zin kei ding uh hi,” a ci hi.

Jonah 1:2

“Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.

Jonah 3:2

“Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Zefaniah 1:4

Judah gam mi khempeuh susia-in, Jerusalem khua-a teeng mi khempeuh ka sumai ding hi. Baal milim biakna a them bang lai khempeuh leh tua milim na a sem siampite hih mun panin, a vekpi-in ka sumai ding hi.